Emmanuel Macron | హోట‌ల్ వ‌ద్ద వరుస పేలుళ్లు.. ప్రాణాపాయం నుంచి బ‌య‌ట‌ప‌డ్డ ఫ్రాన్స్ అధ్య‌క్షుడు

Emmanuel Macron | త్రినేత్ర‌.న్యూస్‌ : ఫ్రాన్స్ అధ్యక్షుడు ఇమ్మాన్యుయేల్ మాక్రాన్‌కు (French President Emmanuel Macron) తృటిలో పెను ప్ర‌మాదం త‌ప్పింది. మాక్రాన్‌ ప్ర‌స్తుతం సిరియా (Syria) ప‌ర్య‌ట‌న‌లో ఉండ‌గా... ఆ దేశ రాజధాని డమాస్కస్ (Damascus)లో వరుస బాంబు పేలుళ్లు (two explosions) సంభవించాయి. రాజ‌ధానిలో ఫ్రాన్స్ అధ్య‌క్షుడు బ‌స చేస్తున్న ఫోర్ సీజన్స్ హోటల్ స‌మీపంలోనే ఈ పేలుళ్లు చోటు చేసుకోవ‌డం క‌ల‌క‌లం రేపుతోంది.

ఈ ప్ర‌మాదం నుంచి ఫ్రాన్స్ అధ్య‌క్షుడు తృటిలో త‌ప్పించుకున్నారు. ముందుగా నిర్ణ‌యించిన షెడ్యూల్ ప్ర‌కారం.. ఈ ఘ‌ట‌న‌కు కొద్దిసేప‌టికి ముందే మాక్రాన్ సిరియా అధ్య‌క్షుడు అహ్మ‌ద్ అల్ ష‌రాతో స‌మావేశం కోసం అధ్య‌క్ష భ‌వ‌నంలోకి వెళ్లారు. ఆ కాసేప‌టికే పేలుడు శ‌బ్దాలు వినిపించాయి. అధ్య‌క్షుడు ప్ర‌స్తుతం సుర‌క్షితంగా ఉన్నార‌ని, ఆయ‌న ప‌ర్య‌ట‌న య‌థావిధిగా కొన‌సాగుతుంద‌ని ఫ్రాన్స్ అధికారులు తెలిపారు.

ఇక ఈ పేలుడు ఘ‌ట‌న‌లో 18 మందికిపైగా గాయ‌ప‌డిన‌ట్లు అసోసియేటెడ్ ప్రెస్ నివేదించింది. ఈ పేలుళ్ల‌తో రాజ‌ధాని డ‌మాస్క‌స్ ఒక్క‌సారిగా ఉలిక్కిప‌డింది. కొన్ని కార్లు మంట‌ల్లో కాలిపోయాయి. రంగంలోకి దిగిన ఫైర్ సిబ్బంది మంట‌ల‌ను అదుపు చేశారు. ఇక ఈ పేలుళ్ల ఘ‌ట‌న‌కు ఏ ఉగ్ర‌సంస్థా బాధ్య‌త వ‌హించ‌లేదు.

2024లో తిరుగుబాటు ద్వారా బషర్ అస్సాద్‌ను గద్దె దించి అల్ షరా అధికారంలోకి వచ్చారు. ఆయ‌న అధికారం చేప‌ట్టిన త‌ర్వాత తొలిసారి సిరియాలో ప‌ర్య‌టించిన పాశ్చాత్య దేశాధినేత మాక్రానే. అయితే, తాజా ఘ‌ట‌న‌తో ఆ దేశంలో భ‌ద్ర‌తా స‌వాళ్ల‌పై మ‌రోసారి చ‌ర్చ మొద‌లైంది. ఈ ఘ‌ట‌న నేప‌థ్యంలో రాజ‌ధాని వ్యాప్తంగా అధికారులు భ‌ద్ర‌త‌ను పెంచారు.

🚨UPDATE

Smoke continues to rise from the site of the explosion in Damascus. It has been reported that multiple explosions occurred, and a large number of ambulances have been dispatched to the area. https://t.co/7Q7rhal63i pic.twitter.com/9d0XgvVjWs

— أبو رياح (@_3buR1ah) July 7, 2026

Also Read..

కాక్రోచ్ పార్టీ ఎక్స్ ఖాతాపై బ్యాన్ ఎత్తివేయాలంటూ కోర్టు ఆదేశం

సీఎం విజ‌య్‌కి భారీ ఊర‌ట‌.. డీఎంకేపై సుప్రీంకోర్టు ఆగ్ర‌హం

ప్రియాంక చోప్రా గ్లామ‌ర్ ట్రీట్ - జాన్వీ క‌పూర్ ప్ర‌శంస‌లు