US Embassy In Baghdad | దాడుల‌ను పెంచిన ఇరాన్‌.. బాగ్దాద్‌లోని యూఎస్ ఎంబ‌సీపై డ్రోన్ అటాక్‌

US Embassy In Baghdad | ఇరాన్ (Iran) ముడి చ‌మురు ఎగుమ‌తుల్లో కీల‌క‌మైన ఖ‌ర్గ్ ద్వీపంపై అమెరికా దాడితో ప‌శ్చిమాసియాలో ఉద్రిక్త‌త‌లు ఒక్క‌సారిగా తీవ్ర‌మ‌య్యాయి. ఈ దాడుల‌కు ప్ర‌తీకారంగా ఇరాన్ త‌న దాడుల‌ను పెంచింది. అమెరికా సైనిక‌, వైమానిక స్థావ‌రాలే ల‌క్ష్యంగా విరుచుకుప‌డుతోంది. తాజాగా ఇరాక్ రాజ‌ధాని బాగ్దాద్‌లోని యూఎస్ ఎంబ‌సీపై (US Embassy In Baghdad) ఇరాన్ అటాక్ చేసింది. డ్రోన్ల‌ను ప్ర‌యోగించిన‌ట్లు ఇరాకీ భ‌ద్ర‌తా అధికారులు తెలిపారు. ఈ దాడితో అక్క‌డ ఒక్క‌సారిగా పెద్ద ఎత్తున పొగ‌లు వ్యాపించిన‌ట్లు పేర్కొన్నారు.

మ‌రోవైపు అటు దుబాయ్‌పై (Blasts In Dubai) కూడా ఇరాన్ దాడుల‌ను కొసాగిస్తోంది. టెహ్రాన్ జ‌రుపుతున్న దాడుల్లో దుబాయ్ న‌గ‌రం ద‌ద్ద‌రిలుల్తోంది. తాజాగా 24 గంట‌ల వ్య‌వ‌ధిలోనే ఇరాన్ రెండో దాడి చేసింది. ఇరాన్ ప్ర‌యోగించిన క్షిప‌ణులు దుబాయ్ ఆర్థిక కేంద్రంలోని (Financial Hub) ఒక భవనాన్ని తాకాయి. ఈ ఘటనలో ఎలాంటి అగ్నిప్రమాదం సంభవించలేదు, ఎవరికీ గాయాలు కాలేదని సమాచారం. ఇక శుక్రవారం సెంట్రల్ దుబాయ్‌లో భారీ పేలుళ్లు సంభవించిన విష‌యం తెలిసిందే. పేలుళ్ల ధాటికి భవనాలు కంపించాయి. దట్టమైన పొగ కమ్ముకుంది. డ్రోన్లను అడ్డుకునే క్రమంలో శకలాలు పడి ఈ ప్రమాదం జరిగినట్లు దుబాయ్ మీడియా వెల్లడించింది.

Also Read..

ఇరాన్ ఆర్థిక వ్య‌వ‌స్థ‌పై అమెరికా గురి.. ఖర్గ్ ద్వీపంపై బాంబుల వ‌ర్షం

మొజ్తాబా ఖ‌మేనీ ఆచూకీ చెబితే రూ.92 కోట్లు ఇస్తాం.. భారీ రివార్డు ప్ర‌క‌టించిన అమెరికా

సౌదీ ఎయిర్‌బేస్‌పై ఇరాన్ క్షిప‌ణి దాడి.. దెబ్బ‌తిన్న 5 అమెరికా రీఫ్యూయ‌లింగ్ విమానాలు