Iran targeted two oil tankers | అమెరికా ఆయిల్ ట్యాంక‌ర్‌పై ఇరాన్‌ సూసైడ్ బోటుతో దాడి.. భార‌తీయుడు మృతి

Iran targeted two oil tankers | దాడులు, ప్ర‌తిదాడుల‌తో మ‌ధ్య‌ప్రాచ్యం భ‌గ‌భ‌గ మండుతోంది. ఇరాన్‌పై ఇజ్రాయెల్‌, అమెరికా ద‌ళాలు దాడుల‌ను తీవ్ర‌త‌రం చేశాయి. అదే స‌మ‌యంలో అమెరికా, ఇజ్రాయెల్ మిత్ర దేశాల‌పై ఇరాన్ ప్ర‌తీకార దాడుల‌ను పెంచింది. తాజాగా ఇరాక్ (Iraq) తీరంలో రెండు చ‌మురు ట్యాంక‌ర్ల‌పై ఇరాన్ దాడి చేసింది (Iran targeted two oil tankers). ఈ దాడిలో ఓ భార‌తీయుడు ప్రాణాలు కోల్పోయాడు.

ఇరాక్ ప్రాదేశిక జ‌లాల్లోని ఖోర్ అల్ జుబైర్ (Khor Al Zubair) ఓడరేవు సమీపంలో రెండు చ‌మురు ట్యాంక‌ర్ల‌ను ల‌క్ష్యంగా చేసుకుని ఇరాన్ దాడులు చేసింది. దాడికి గురైన నౌక‌లు అమెరికాకు చెందిన 'సేఫ్‌సీ విష్ణు' (Safesea Vishnu), గ్రీస్‌కు చెందిన జెఫిరోస్ (Zefyros)గా గుర్తించారు. ఈ నౌక‌ల‌కు ఓడ‌రేవు స‌మీపంలో చ‌మురు సేక‌రిస్తున్న స‌మ‌యంలో పేలుడు ప‌దార్థాలు నింపిన నౌక ఢీ కొట్టిన‌ట్లు స్థానిక మీడియా వెల్ల‌డించింది. ఈ దాడి త‌ర్వాత భారీగా మంట‌లు చెల‌రేగాయి. ఆ నౌక‌లు మంట‌ల్లో పూర్తిగా కాలిపోయాయి. ట్యాంకర్ ట్రాకింగ్ వెబ్‌సైట్ (TankerTrackers.com) ప్రకారం.. ఈ రెండు నౌక‌ల్లో సుమారు 4,00,000 బ్యారెళ్ల ఇరాకీ ముడి చమురు ఉన్నట్లు సమాచారం.

ఈ దాడిలో ఓ భార‌తీయ పౌరుడు ప్రాణాలు కోల్పోయాడు. అయితే, అత‌డి పూర్తి వివ‌రాలు ఇంకా వెల్ల‌డికాలేదు. ఈ ప్ర‌మాదం నుంచి సుమారు 27 మంది సిబ్బందిని ర‌క్షించి ఇరాక్ న‌గ‌ర‌మైన బాస్కాకు త‌ర‌లించారు. ఇక ఈ దాడి త‌మ ప‌నే అని ఇరాన్ అధికారికంగా ప్ర‌క‌టించింది. దాడికి గురైన అమెరికాకు చెందిన నౌక 'సేఫ్‌సీ ట్రాన్స్‌పోర్ట్ ఇంక్' (Safesea Transport Inc) యాజమాన్యానికి చెందిన‌ది. ఇది మార్షల్ ఐలాండ్స్ జెండాతో ప్రయాణిస్తోంది. ఇక జెఫిరోస్‌ను గ్రీస్ దేశానికి చెందిన సంస్థ న‌డుపుతోంది. ఇది మాల్టా జెండాతో ప్ర‌యాణిస్తోంది. ఇరాన్ జ‌రిపిన ఆత్మాహుతి నౌక దాడిలో భార‌తీయుడు మ‌ర‌ణించడం ప‌ట్ల సేఫ్‌సీ సంస్థ తీవ్ర దిగ్భ్రాంతి వ్య‌క్తం చేసింది.

https://x.com/disclosetv/status/2031870366092497008

Also Read..

చిక్కుల్లో హార్దిక్ పాండ్యా.. జాతీయ జెండాను అవమానించాడంటూ పోలీసుల‌కు ఫిర్యాదు

సుదూర ప్రయాణాలకు వందే భారత్‌ స్లీపర్‌ రైలు.. ఫ్లయిట్‌ టికెట్ల తరహాలోనే కన్ఫర్మ్‌ టికెట్‌..!

అడ్మిట్ కార్డులో అభ్య‌ర్థికి బ‌దులు కుక్క ఫొటో..