Hyderabad | మైన‌ర్ బాలుడికి కారు స్టీరింగ్ ఇచ్చి.. క‌ట‌క‌టాల‌పాలైన తండ్రి

Hyderabad | 11 ఏళ్ల కుమారుడికి ఖ‌రీదైన కారు స్టీరింగ్ ఇచ్చి ఓ తండ్రి క‌ట‌క‌టాల‌పాల‌య్యాడు. ఈ ఘ‌ట‌న హైద‌రాబాద్ (Hyderabad) రాజేంద్ర‌న‌గ‌ర్ ప‌రిధిలో చోటు చేసుకుంది. టోలీచౌక్‌కు చెందిన అబ్దుల్ అనే వ్య‌క్తి ఇటీవ‌లే ఖ‌రీదైన కారును కొనుగోలు చేశాడు. ఈనెల 11న అర్ధ‌రాత్రి స‌మ‌యంలో త‌న కుమారుడితో క‌లిసి డ్రైవ్‌కు వెళ్లాడు. ఆ స‌మ‌యంలో ఔట‌ర్ రింగ్‌రోడ్డుపై శంషాబాద్ నుంచి గ‌చ్చిబౌలి వెళ్లే ర‌హ‌దారిపై మైన‌ర్ అయిన‌ త‌న కుమారుడితో ఆ కారును డ్రైవింగ్ చేయించాడు. కుమారుడి డ్రైవింగ్ చూసి మురిసిపోయాడు.

అయితే, ఈ సంతోషంలో 11 ఏళ్ల బాలుడితో డ్రైవింగ్ చేయించ‌డం చ‌ట్ట‌రీత్యా నేరం అన్న సంగ‌తి ఆ తండ్రి మ‌ర్చిపోయాడు. అటుగా వెళ్తున్న కొంద‌రు వాహ‌న‌దారులు ఈ త‌తంగాన్నంతా వీడియో తీసి సోష‌ల్ మీడియాలో పోస్టు చేయ‌డంతో అదికాస్తా వైర‌ల్‌గా మారి పోలీసుల దృష్టికి చేరింది. వీడియో ఆధారంగా విచార‌ణ చేప‌ట్టిన పోలీసులు.. కారు య‌జ‌మానిని గుర్తించి అదుపులోకి తీసుకున్నారు. అత‌డిపై ప‌లు సెక్ష‌న్ల కింద కేసులు బుక్ చేశారు. ఈ సంద‌ర్భంగా త‌ల్లిదండ్రుల‌కు పోలీసులు కీల‌క సూచ‌న‌లు చేశారు. పిల్ల‌ల‌కు వాహ‌నాల‌ను ఇచ్చి.. కేసులు ఎదుర్కోవ‌ద్ద‌ని సూచిస్తున్నారు.

#HYDTPweBringAwareness
🚨 Minor Driving is a Serious Offence 🚨
A complaint received through social media regarding a minor driving an MG Cyberster on ORR was promptly verified by @shotr_rjnr . The vehicle was traced and apprehended along with the father of the minor and handed… pic.twitter.com/35c5BOePgG

— Hyderabad Traffic Police (@HYDTP) June 18, 2026

Also Read..

పాఠ‌శాల‌లో పాకిస్థానీ పాట‌.. ప్రిన్సిప‌ల్‌, ఇద్ద‌రు టీచ‌ర్ల‌పై కేసు

పారాక్వాట్ గ‌డ్డి మందుపై వైద్యుల ఆందోళన.. పూర్తిగా నిషేధించాల్సిందే అంటున్న నిపుణులు..

నీట్ రీటెస్టు.. అభ్య‌ర్థుల కోసం అధికారిక వాట్సప్‌ సేవలు ప్రారంభించిన ఎన్టీఏ