Indian Oil Manager Murder Maharashtra | పెట్రోల్ బంక్ సీల్ చేసేందుకు వెళ్తే.. కత్తితో పొడిచి చంపేశారు

• కర్తవ్య నిర్వహణలో ఘోరం
• పెట్రోల్ బంక్ సీల్ చేసేందుకు వెళ్లిన ఇండియన్ ఆయిల్ అధికారిని 7 సార్లు పొడిచి చంపేశారు

Indian Oil Manager Murder Maharashtra | త్రినేత్ర న్యూస్ : విధి నిర్వహణలో ఉన్న ఓ ప్రభుత్వ రంగ చమురు సంస్థ అధికారి దారుణ హత్యకు గురైన విషాద ఘటన మహారాష్ట్రలో వెలుగుచూసింది. గత మూడు నెలలుగా మూతపడి ఉన్న ఇండియన్ ఆయిల్ కార్పొరేషన్ (IOCL) పెట్రోల్ పంపును అధికారికంగా సీల్ చేసేందుకు వెళ్లిన సేల్స్ మేనేజర్ మహేష్ శెల్కేపై సదరు బంక్ ఆపరేటర్ కుమారుడు కత్తితో 7 సార్లు విచక్షణారహితంగా దాడి చేసి హతమార్చాడు. హింగోలీ జిల్లాలోని చొంధీ గ్రామంలో మంగళవారం సాయంత్రం ఈ ఘోరం చోటుచేసుకుంది.

గడువు ఇవ్వలేదని కత్తితో విరుచుకుపడ్డారు

పోలీసుల కథనం ప్రకారం.. సాంకేతిక సమస్యల కారణంగా చొంధీలోని ఐఓసీఎల్ బంక్ మూడు నెలలుగా పనిచేయడం లేదు. దీంతో కంపెనీ నిబంధనల ప్రకారం ఆ బంక్‌ను స్వాధీనం చేసుకుని సీజ్ చేసేందుకు మేనేజర్ మహేష్ శెల్కే తన అధికారిక బృందంతో కలిసి అక్కడికి వెళ్లారు. అయితే, బంక్‌ను తిరిగి ప్రారంభించేందుకు తమకు మరో నెల రోజుల సమయం కావాలని ఆపరేటర్ సాహెబ్‌రావ్ పాండవ్‌వీర్ కుటుంబం కోరింది. నిబంధనల ప్రకారం గడువు ఇచ్చేందుకు అధికారులు నిరాకరించడంతో ఇరువర్గాల మధ్య మాటామాటా పెరిగింది.

Deeply anguished by the tragic loss of our colleague, Shri Mahesh Shelke, who was fatally attacked while discharging his official duties in Hingoli, Maharashtra.

I strongly condemn this heinous act. We have taken up the matter with the highest authorities in Maharashtra, seeking swift and stringent action against those responsible.

IndianOil stands firmly with Shri Shelke’s family in this hour of immense grief. My heartfelt condolences to his family, colleagues and loved ones.

@HardeepSPuri @PetroleumMin @Secretary_MoPNG @neerajmittalias @sahneyas @IndianOilcl

— ChairmanIOC (@ChairmanIOCL) October 7, 2026

ఈ క్రమంలో తీవ్ర ఆగ్రహానికి లోనైన ఆపరేటర్ కుమారుడు ఉమేష్ పాండవ్‌వీర్ తన వద్ద ఉన్న పదునైన కత్తితో మహేష్ శెల్కేపై దాడికి దిగాడు. కడుపు, వీపు, ముఖంపై ఏకంగా 7 సార్లు బలంగా పొడవడంతో రక్తపు మడుగులో కుప్పకూలిన శెల్కే అక్కడికక్కడే ప్రాణాలు విడిచారు. అనంతరం నిందితుడు తన కుటుంబ సభ్యులతో కలిసి రెండు కార్లలో అక్కడి నుంచి పరారైనట్లు సీసీటీవీ ఫుటేజ్ (CCTV) ద్వారా గుర్తించారు. ఈ ఘటనపై కురుందా పోలీస్ స్టేషన్‌లో హత్య కేసు నమోదైంది. నిందితుల కోసం ప్రత్యేక బృందాలు గాలిస్తున్నాయి.

తీవ్ర దిగ్భ్రాంతి వ్యక్తం చేసిన కేంద్ర మంత్రి, ఐఓసీఎల్ చైర్మన్

అధికారిక బాధ్యతలు నిర్వర్తిస్తున్న సమయంలో జరిగిన ఈ దారుణ హత్యను కేంద్ర పెట్రోలియం శాఖ మంత్రి హర్దీప్ సింగ్ పూరి తీవ్రంగా ఖండించారు. "దేశానికి సేవలందించే ఇంధన రంగ ఉద్యోగుల భద్రత మాకు అత్యంత ముఖ్యం. నిందితులపై కఠిన చట్టపరమైన చర్యలు తీసుకోవాలని మహారాష్ట్ర ప్రభుత్వం, డీజీపీని కోరాం. మృతుడి కుటుంబానికి పెట్రోలియం మంత్రిత్వ శాఖ, ఐఓసీఎల్ పూర్తి అండగా నిలుస్తాయి" అని ఎక్స్ వేదికగా భరోసా ఇచ్చారు.

Also Read | భారతీయ యువ గణిత శాస్త్రవేత్తకు రామానుజన్ ప్రైజ్

ఇండియన్ ఆయిల్ చైర్మన్ అర్విందర్ సింగ్ సహానీ స్పందిస్తూ.. తమ సహోద్యోగిని కోల్పోవడం తీరని లోటని, ఈ అమానుష చర్యకు పాల్పడిన వారిని చట్టం ముందు నిలబెట్టే వరకు పోరాడతామని స్పష్టం చేశారు. బాధితుడి కుటుంబానికి ప్రగాఢ సానుభూతి తెలియజేశారు.

Deeply saddened and shocked by the tragic incident in which Shri Mahesh Shelke, Manager (Retail Sales), IndianOil, lost his life in Maharashtra while discharging his official duties. He was a part of a team carrying out the takeover of an IndianOil retail outlet in Hingoli district when he was brutally attacked with a sharp weapon. I strongly condemn this heinous and unacceptable act of violence.

I offer my heartfelt condolences to the bereaved family in their hour of unimaginable grief and shock.
@PetroleumMin and @IndianOilcl firmly stand with them and will extend all possible support.

The issue has been taken up with the senior-most officials of the Maharashtra Government and Police to ensure swift and strict action against those responsible, in accordance with law.
The safety, dignity and security of our energy-sector personnel, who work tirelessly to serve the nation, remain paramount.

May the departed soul rest in peace.
Om Shanti. 🙏

— Hardeep Singh Puri (@HardeepSPuri) October 7, 2026