Vodafone-Idea | వొడాఫోన్‌-ఐడియాకు కేంద్రం భారీ బెయిల్ఔట్ ప్యాకేజీ

Vodafone-Idea | తీవ్ర‌మైన న‌ష్టాల్లో ఉండి, ప‌త‌నం అంచున ఉన్న వొడాఫోన్‌-ఐడియా (Vodafone-Idea) కు కేంద్ర‌ప్ర‌భుత్వం (Central Government) భారీ బెయిల్ఔట్ ప్యాకేజీ (Bailout Package) ప్ర‌క‌టించింది. ఈ మేర‌కు ఆ కంపెనీకి ఊర‌ట క‌ల్పిస్తూ కేంద్ర మంత్రివ‌ర్గం (Cabinet) నిర్ణయం తీసుకుంది. స‌ర్దుబాటు చేసిన స్థూల ఆదాయ (అడ్జెస్టెడ్ గ్రాస్ రెవెన్యూ) (AGR) బ‌కాయిలు రూ.87,695 కోట్లు ఫ్రీజ్ చేసేందుకు కేంద్రం ఆమోదం తెలిపింది. ప్ర‌జల విస్తృత ప్ర‌యోజ‌నాల దృష్ట్యా ఈ నిర్ణ‌యం తీసుకున్న‌ట్లు ప్ర‌క‌టించింది. వొడాఫోన్ - ఐడియా సంస్థ చెల్లించాల్సిన బ‌కాయిల‌పై పున‌రాలోచించాల‌ని సుప్రీంకోర్టు కేంద్ర‌ప్ర‌భుత్వానికి సూచించ‌డంతో కేంద్రం ఈ నిర్ణ‌యం తీసుకుంది. కేంద్రం నిర్ణ‌యంతో బ‌కాయిల‌ను ఆ సంస్థ 2031-32 ఆర్థిక సంవ‌త్స‌రం నుంచి 2040-41 ఆర్థిక సంవ‌త్స‌రం మ‌ధ్య‌లో చెల్లించాల్సి ఉంటుంది.