DK Shivakumar Kurta Row | డీకే శివకుమార్ కుర్తా పట్టుకుని లాగిన రాహుల్ గాంధీ : వీడియో వైరల్

DK Shivakumar Kurta Row | త్రినేత్ర న్యూస్ : కాంగ్రెస్ అగ్రనేత రాహుల్ గాంధీ తీరుపై బీజేపీ యువ ఎంపీ తేజస్వి సూర్య తీవ్రస్థాయిలో విరుచుకుపడ్డారు. కర్ణాటక ముఖ్యమంత్రి డీకే శివకుమార్‌ను నడిరోడ్డుపై రాహుల్ గాంధీ కుర్తా పట్టుకుని లాగుతున్నట్లు ఉన్న పాత వీడియోను ఎక్స్ వేదికగా షేర్ చేస్తూ ఘాటు విమర్శలు గుప్పించారు. వంశపారంపర్యంగా వచ్చిన అహంకారానికి, పెత్తందారీ పోకడలకు ఈ దృశ్యాలే నిదర్శనమని మండిపడ్డారు.

రాజీవ్ గాంధీ నుంచి రాహుల్ వరకు అదే అహంకారం

తేజస్వి సూర్య తన పోస్టులో కాంగ్రెస్ హైకమాండ్ చరిత్రను ఎత్తిచూపారు. "నాడు విమానాశ్రయంలో ఎలాంటి సంకోచం లేకుండా కర్ణాటక ముఖ్యమంత్రి వీరేంద్ర పాటిల్‌ను పదవి నుంచి తొలగిస్తున్నట్లు రాజీవ్ గాంధీ ప్రకటించారు. నేడు నడిరోడ్డుపై డీకే శివకుమార్ కుర్తా పట్టుకుని రాహుల్ గాంధీ లాగుతున్నారు. తరాలు మారినా కాంగ్రెస్ కుటుంబం చూపే పెత్తనం, అహంకారం మాత్రం ఏమాత్రం మారలేదు" అని తీవ్ర వ్యాఖ్యలు చేశారు.

7 కోట్ల కన్నడిగుల ఆత్మగౌరవానికి అవమానం

రాజకీయాలను పక్కనబెడితే.. డీకే శివకుమార్ కర్ణాటక రాష్ట్రానికి ప్రాతినిధ్యం వహిస్తున్నారని తేజస్వి సూర్య పేర్కొన్నారు. అలాంటి ప్రజాప్రతినిధిని నలుగురిలో ఇలా అవమానించడం మొత్తం 7 కోట్ల కన్నడ ప్రజల గౌరవానికి జరిగిన భంగమని పేర్కొన్నారు.

రాహుల్ గాంధీ కర్ణాటక ప్రభుత్వంలో ఎలాంటి రాజ్యాంగబద్ధమైన పదవిలో లేకపోయినా, ప్రజాస్వామ్యబద్ధంగా ఎన్నికైన రాష్ట్ర నాయకత్వంపై ఇలా పెత్తనం చెలాయించడం కాంగ్రెస్ హైకమాండ్ సంస్కృతిని స్పష్టం చేస్తోందని తేజస్వి సూర్య ధ్వజమెత్తారు. ప్రస్తుతం ఈ వీడియో, తేజస్వి సూర్య చేసిన ట్వీట్ సోషల్ మీడియాలో తీవ్ర చర్చనీయాంశంగా మారాయి.

If arrogance of inherited privilege, passed down generations, had a face, it would look like this.

From Rajiv Gandhi unceremoniously announcing Veerendra Patil’s removal as Karnataka CM at an airport to Rahul Gandhi pulling @DKShivakumar by his kurta in the middle of a road, the Congress dynasty’s sense of entitlement remains unchanged.

Politics aside, @CMofKarnataka D.K. Shivakumar represents Karnataka. Such public humiliation is an insult to the dignity of 7 crore Kannadigas.

Rahul Gandhi holds no executive office or constitutional authority over Karnataka’s elected leadership, yet his conduct raises questions about the deference expected towards the Congress high command.

— Tejasvi Surya (@Tejasvi_Surya) October 13, 2026