Benjamin Netanyahu | బతికే ఉన్నానని నిరూపించుకునేందుకు ఇజ్రాయెల్ ప్రధాని తంటాలు.. ఈ వీడియో కూడా ‘AI’ దే అంటున్న నెటిజన్లు!

Benjamin Netanyahu | ఇజ్రాయెల్ - ఇరాన్ మధ్య భీకర దాడులు జరుగుతున్న వేళ ఒక వార్త సోషల్ మీడియాను తీవ్రంగా కుదిపేస్తోంది. ఇరాన్ దాడుల్లో ఇజ్రాయెల్ ప్రధాని బెంజమిన్ నెతన్యాహు (Benjamin Netanyahu) చనిపోయారంటూ గత కొద్ది రోజులుగా జోరుగా ప్రచారం జరుగుతోంది. అయితే తాను బతికే ఉన్నానని, ఎలాంటి దాడీ జరగలేదని నిరూపించుకునేందుకు నెతన్యాహు పడుతున్న కష్టాలు అన్నీ ఇన్నీ కావు.

ఇటీవల ఆయన కాఫీ తాగుతున్నట్లు ఉన్న ఒక వీడియోను రిలీజ్ చేశారు. కానీ అది ఆర్టిఫిషియల్ ఇంటెలిజెన్స్ (AI) తో ఎడిట్ చేసిన ఫేక్ వీడియో అని జనాలు కొట్టిపారేశారు. ఈ విమర్శల నేపథ్యంలో, తాజాగా ఆయన తన అధికారిక 'ఎక్స్' ఖాతాలో మరో కొత్త వీడియోను పోస్ట్ చేశారు.

Benjamin Netanyahu | ఆ వీడియోలో ఏముంది?

"మార్గదర్శకాలకు కట్టుబడి ఉన్నాం.. కలిసికట్టుగా గెలుస్తాం" (Sticking to the guidelines and winning together) అనే క్యాప్షన్‌తో ఈ వీడియోను విడుదల చేశారు. ఇందులో ఆయన జెరూసలేం వీధుల్లో కొంతమంది స్థానికులను (షిర్ అనే మహిళలతో పాటు ఒక కుక్క యజమానిని) యాదృచ్ఛికంగా కలిసి మాట్లాడినట్లు చూపించారు.

"గాలి పీల్చుకోవడానికి బయటకు రావడం మంచిదే అయినా, ఎల్లప్పుడూ బాంబ్ షెల్టర్లకు (రక్షిత ప్రాంతాలకు) సమీపంలోనే ఉండాలని" ఆయన ప్రజలకు సూచించారు. ఐడిఎఫ్ (IDF) కచ్చితంగా గెలుస్తుందని, ఓర్పు అవసరమని ఆయన స్థానికులతో ముచ్చటించారు.

నెటిజన్ల కన్నుగప్పలేకపోయారు: ఇవిగో ఏఐ (AI) ఆధారాలు

సాధారణ ప్రజలను నమ్మించడానికి ఇజ్రాయెల్ ప్రభుత్వం ఈ వీడియోను వదిలినప్పటికీ, నెటిజన్లు మాత్రం ఊరుకోలేదు. భూతద్దం పెట్టి మరీ ఈ వీడియోలోని తప్పులను ఎత్తిచూపుతున్నారు. ఇది పక్కాగా ఏఐ (AI) తో సృష్టించిన డీప్‌ఫేక్ వీడియో అని కింది ఆధారాలతో కామెంట్లు పెడుతున్నారు.

మాయమైన ఉంగరం: వీడియోలో సరిగ్గా 0:28 సెకన్ల వద్ద నెతన్యాహు చేతికున్న ఉంగరం అకస్మాత్తుగా గాలిలో మాయమై మళ్లీ కనిపిస్తుంది. ఏఐ వీడియోల్లో మాత్రమే ఇలాంటి సాంకేతిక లోపాలు (Glitches) జరుగుతాయని నెటిజన్లు పసిగట్టారు.

వాతావరణం వేడి - జాకెట్ ఏమో చలికి: ఇజ్రాయెల్‌లో ఇప్పుడు మండిపోయే ఎండలు ఉన్నాయి (దాదాపు 67 డిగ్రీల ఫారెన్‌హీట్ వేడి). కానీ నెతన్యాహు మాత్రం విపరీతమైన మంచులో వేసుకునే మందంగా ఉండే 'స్నో జాకెట్' (Snow Jacket) వేసుకుని కనిపించడం నెటిజన్లకు అనుమానం తెప్పించింది.

కుక్క తల, చేతి వేళ్లు: వీడియోలో ఒకచోట కుక్క తల ఆకారం విచిత్రంగా మారడం, అలాగే నెతన్యాహు చేతికి మూడు వేళ్లు మాత్రమే ఉన్నట్లు అనిపించడం ఇవన్నీ ఏఐ సృష్టే అని వాదిస్తున్నారు.

సోషల్ మీడియాలో నెతన్యాహుపై ట్రోలింగ్

ఈ వీడియో ఫేక్ అని తెలియడంతో ఎక్స్ వేదికగా నెటిజన్లు దారుణంగా ట్రోల్ చేస్తున్నారు.

"మీరు చనిపోయారని మాకు తెలుసు. ఇలాంటి ఫేక్ వీడియోలు అనవసరం. మీరు ఎక్కడికి వెళ్లాలో అక్కడికే వెళ్లారు, అక్కడే ఉండండి" అని ఒకరు కామెంట్ చేశారు.

"మళ్లీ ఇంకో వీడియో పెట్టావా? ఈసారి ఏవి చెక్ చేయాలి? వేళ్లా, చెవులా, పెదాలా లేక బూట్లా?" అంటూ ఇంకొకరు ఎగతాళి చేశారు.

"ఇజ్రాయెల్ ప్రధాని బతికే ఉన్నారని చూపించడానికి ఏఐ (AI) టెక్నాలజీని వాడుకుంటోందా? ఒకవేళ ఇదే నిజమైతే ప్రపంచాన్ని తప్పుదోవ పట్టించడానికి టెక్నాలజీని ఎంత దారుణంగా దుర్వినియోగం చేస్తున్నారో అర్థమవుతోంది. నిజం బయటికి రావాలి" అని నెటిజన్లు డిమాండ్ చేస్తున్నారు.

ఒక దేశ ప్రధాని బతికే ఉన్నారా లేదా అనేది ఇప్పుడు ప్రపంచవ్యాప్తంగా పెద్ద మిస్టరీగా మారింది. ఆయన నిజంగానే సురక్షితంగా ఉన్నారా? లేక ఇజ్రాయెల్ డిజిటల్ మాయాజాలంతో ప్రపంచాన్ని బురిడీ కొట్టిస్తోందా? అన్నది రానున్న రోజుల్లో తేలనుంది.

https://x.com/netanyahu/status/2033515975379911114