Kollapur to Goa | టీజీఎస్ఆర్టీసీ బంప‌రాఫ‌ర్.. కొల్లాపూర్ టు గోవా ప్ర‌త్యేక బ‌స్సు

Kollapur to Goa | త్రినేత్ర‌.న్యూస్ : కొల్లాపూర్.. ఉమ్మ‌డి పాల‌మూరు జిల్లాలోని ఓ మారుమూల ప్రాంతం.. కృష్ణా న‌దికి, ద‌ట్ట‌మైన న‌ల్ల‌మల్ల అడ‌వుల‌కు( Nallamalla Forest ) స‌మీపంలో ఉన్న ప‌ట్ట‌ణం అది. అభివృద్ధికి ఆమ‌డ దూరంలో ఉన్న‌ప్ప‌టికీ ప‌ర్యాట‌కంగా ఎంతో ప్ర‌సిద్ధి చెందింది. అటు న‌ల్ల‌మ‌ల్ల అందాలు, ఇటు సోమ‌శిల( Somasila ) సోయాగాల‌తో ఇప్పుడిప్పుడే ప‌ర్యాట‌కుల‌కు చేరువ అవుతుంది కొల్లాపూర్ ప‌ట్ట‌ణం( Kollapur Town ). అయితే ఎంతో వెనుక‌బ‌డి ఉన్న కొల్లాపూర్ ప్ర‌జ‌ల‌కు గోవా( Goa ) అందాల‌ను వీక్షించేందుకు టీజీఎస్ ఆర్టీసీ( TGSRTC ) స‌రికొత్త నిర్ణ‌యం తీసుకుంది. రైలు సౌకర్యం లేకపోవడం, విమానాల టికెట్ల ధ‌ర‌లు భ‌రించ‌లేని ఆ మూరుమూల ప్ర‌జ‌ల‌కు ఆర్టీసీ అద్భుత‌మైన అవ‌కాశాన్ని క‌ల్పిస్తుంది. స‌ర‌స‌మైన ధ‌ర‌కే, త‌క్కువ బ‌డ్జెట్‌లో గోవా వెళ్లేందుకు కొల్లాపూర్ ఆర్టీసీ డిపో యాజ‌మాన్యం వెసులుబాటు క‌ల్పించింది. ఆ వివ‌రాలు ఈ క‌థ‌నంలో తెలుసుకుందాం..

టీజీఎస్ ఆర్టీసీ కొల్లాపూర్ డిపో ఆధ్వ‌ర్యంలో కొల్లాపూర్ ప‌ట్ట‌ణం నుంచి గోవాకు ప్ర‌త్యేక సూప‌ర్ ల‌గ్జ‌రీ బ‌స్సును అందుబాటులోకి తీసుకువ‌చ్చింది. కుటుంబ స‌భ్యులు, స్నేహితుల‌తో క‌లిసి గోవా అందాల‌ను వీక్షించేందుకు, ఆ బీచ్‌ల్లో ఎంజాయ్ చేసేందుకు, ఆ వాతావ‌ర‌ణాన్ని ఆస్వాదించేందుకు అవ‌కాశం క‌ల్పిస్తుంది.

సూప‌ర్ ల‌గ్జ‌రీ బ‌స్సుల వివ‌రాలు ఇలా..

• కొల్లాపూర్ నుంచి జూలై 26 సాయంత్రం 6 గంట‌ల‌కు బ‌య‌ల్దేరుతుంది.
• గోవాకు 27న ఉద‌యం 6 గంట‌ల‌కు చేరుకుంటుంది.

తిరుగు ప్ర‌యాణం ఇలా..

• జూలై 28న సాయంత్రం 6 గంట‌ల‌కు గోవా నుంచి కొల్లాపూర్‌కు బ‌య‌ల్దేరుతుంది.
• జూలై 29న ఉద‌యం 6 గంట‌ల‌కు కొల్లాపూర్ చేరుకుంటుంది.

టికెట్ ధ‌రలు ఇలా..

• ఒక్కో ప్ర‌యాణికుడి టికెట్ ధ‌ర రూ. 3,000(రానుపోను)

త‌దిత‌ర వివ‌రాల కోసం 9182294659(బుచ్చ‌న్న‌) నంబ‌ర్‌లో సంప్ర‌దించొచ్చు.