Singareni | సింగ‌రేణి కేటీకే గ‌నిలో ప్ర‌మాదం.. కార్మికుడి చేతిలో పేలిన మందుగుండు

Singareni | త్రినేత్ర‌.న్యూస్‌: సింగ‌రేణిలో (Singareni) పెను ప్ర‌మాదం త‌ప్పింది. బ్లాస్టింగ్ నిర్వ‌హిస్తుండ‌గా కార్మికుని చేతిలోనే మందుగుండు పేలిపోయిన ఘ‌ట‌న భూపాల‌ప‌ల్లి జిల్లాలోని సింగ‌రేణి సంస్థ‌కు చెందిన కాక‌తీయ థర్మ‌ల్ ప‌వ‌ర్ (కేటీకే) 5వ గ‌నిలో చోటుచేసుకున్న‌ది.

సోమ‌వారం టీకే 5వ గని అంతర్భాగంలోని 13వ లెవెల్‌లో బొగ్గును వెలికితీసేందుకు మందుపాతరలు అమర్చి బ్లాస్టింగ్ ప్రక్రియను చేపట్టారు. ఈ క్ర‌మంలో శ్రీరాముల ప్రదీప్ అనే కార్మికుడి చేతిలోనే మందుగుండు పేలిపోయింది. దీంతో అత‌ని ఎడమ చేతికి తీవ్ర గాయాలయ్యాయి. ప్రమాదం జరిగిన వెంటనే అక్కడే ఉన్న తోటి కార్మికులు అప్రమత్తమై, తీవ్ర రక్తస్రావంతో ఉన్న ప్రదీప్‌ను.. భూపాలపల్లి సింగరేణి ఏరియా ఆసుపత్రికి తరలించారు. ప్రస్తుతం వైద్యులు ఆయనకు అత్యవసర చికిత్స అందిస్తున్నారు. సమాచారం అందుకున్న సింగరేణి ఉన్నతాధికారులు.. గని వద్దకు చేరుకుని సమగ్ర విచారణను ప్రారంభించారు.