Velishala | వెలిశాలలో 13 రోజుల్లో ఆరుగురు మృతి.. స‌ర్పంచ్ ఏమ‌న్నారంటే..?

Velishala | త్రినేత్ర న్యూస్ : సూర్యాపేట జిల్లా తిరుమ‌లగిరి మండ‌ల ప‌రిధిలోని వెలిశాల గ్రామంలో 13 రోజుల్లో ఆరుగురు వ్య‌క్తులు మృతి చెందారు. దీంతో ఆ గ్రామానికి ఏదో పీడ ప‌ట్టింద‌ని, సోష‌ల్ మీడియా గ్రూపుల్లో అపోహ‌లు వైర‌ల్ అయ్యాయి. దీంతో గ్రామ స‌ర్పంచ్ కుంభం మంజుల స్పందించారు. గ్రామంలో ప్ర‌శాంత వాతావ‌ర‌ణం ఉంద‌ని, ఎవ‌రూ ఆందోళ‌న చెందాల్సిన అవ‌స‌రం లేద‌ని పేర్కొన్నారు. ఆరుగురిలో ఓ ముగ్గురు స‌హ‌జంగానే మ‌ర‌ణించారు అని, మ‌రో ముగ్గురు వివిధ కార‌ణాల‌తో చ‌నిపోయార‌ని తెలిపారు. పెద్ద గ్రామం కావ‌డంతో అపోహ‌లు వ‌స్తున్నాయ‌ని, సోష‌ల్ మీడియాలో వ‌స్తున్న వార్త‌లు న‌మ్మొద్ద‌ని కోరారు.