TSLPRB | తెలంగాణ పోలీసు ఉద్యోగాల‌కు ఆగ‌స్టు 19 నుంచి ద‌ర‌ఖాస్తులు.. ఫీజు ఎంతంటే..?

TSLPRB | త్రినేత్ర‌.న్యూస్ : ఎప్పుడెప్పుడా అని ఎదురుచూస్తున్న పోలీసు ఉద్యోగాల( Police Jobs ) భ‌ర్తీకి నోటిఫికేష‌న్ విడుద‌ల సంగ‌తి తెలిసిందే. పోలీస్, స్పెషల్ ప్రొటెక్షన్ ఫోర్స్, ఫైర్ సర్వీసెస్, జైళ్ల శాఖల్లో మొత్తం 7,437 స్టైపెండరీ క్యాడెట్ ట్రైనీ పోస్టుల భర్తీకి నోటిఫికేషన్ విడుద‌లైంది.. మ‌రి ద‌ర‌ఖాస్తులు ఎప్ప‌ట్నుంచి అని అభ్య‌ర్థులు ఎదురుచూశారు. ఆ స‌మ‌యం కూడా రానే వ‌చ్చేసింది. పోలీసు ఉద్యోగాల‌కు అర్హులైన అభ్య‌ర్థులు.. ఆగ‌స్టు 15 నుంచి ద‌ర‌ఖాస్తు చేసుకునేందుకు తెలంగాణ స్టేట్ లెవ‌ల్ పోలీసు రిక్రూట్‌మెంట్ బోర్డు( TSLPRB ) అవ‌కాశం క‌ల్పించింది. ద‌ర‌ఖాస్తు ఫీజుతో పాటు త‌దిత‌ర వివ‌రాలు తెలుసుకుందాం.

ముఖ్య‌మైన తేదీలు ఇవే

• ద‌ర‌ఖాస్తుల స్వీక‌ర‌ణ - ఆగ‌స్టు 19 ఉద‌యం 8 గంట‌ల నుంచి
• ద‌ర‌ఖాస్తులకు చివ‌రి తేదీ - సెప్టెంబ‌ర్ 9 సాయంత్రం 5 గంట‌ల వ‌ర‌కు

ప‌రీక్షా విధానం ఇలా..

• ప్రిలిమిన‌రీ రాత‌ప‌రీక్ష‌
• వ్య‌వ‌ధి - 3 గంట‌లు
• ప్రిలిమిన‌రీ రాత ప‌రీక్ష అర్హ‌త సాధించిన అభ్య‌ర్థుల‌కు ఫిజిక‌ల్ ఎఫిషియ‌న్సీ టెస్టు నిర్వ‌హించ‌నున్నారు.
• ఫిజిక‌ల్ ఎఫిషియ‌న్సీ టెస్టు కూడా పాసైతే చివ‌ర‌గా తుది రాత ప‌రీక్ష నిర్వ‌హించ‌నున్నారు.
• తుది రాత ప‌రీక్ష వ్య‌వ‌ధి - 3 గంట‌లు

ద‌ర‌ఖాస్తు ఫీజులు ఇలా..

స‌బ్ ఇన్‌స్పెక్ట‌ర్ పోస్టుల‌కు

• ఎస్సీ, ఎస్టీ అభ్య‌ర్థుల‌కు రూ. 750
• ఇత‌ర‌ అభ్య‌ర్థుల‌కు రూ. 1500

పోలీసు కానిస్టేబుల్ పోస్టుల‌కు

• ఎస్సీ, ఎస్టీ అభ్య‌ర్థుల‌కు రూ. 600
• ఇత‌ర‌ అభ్య‌ర్థుల‌కు రూ. 1200

వ‌యోప‌రిమితి ఇలా..

• తెలంగాణ ప్రభుత్వం యూనిఫామ్‌డ్‌ సర్వీసులకు గరిష్ట వయస్సులో అదనంగా 5 సంవత్సరాల సడలింపు కల్పించింది.
• ఎస్సీ/ఎస్టీ/బీసీ/ఈడబ్ల్యూఎస్‌ అభ్యర్థులకు అదనంగా 5 ఏళ్లు, హోంగార్డులు గరిష్ట వయస్సు 40 ఏళ్లు సడలింపు వర్తిస్తుంది.
• కానిస్టేబుల్‌, ఫైర్‌, వార్డర్‌, కానిస్టేబుల్‌ డ్రైవర్‌ పోస్టులకు 18 నుంచి 22 ఏళ్ల మధ్య ఉండాలి.
• సబ్‌ఇన్‌స్పెక్టర్‌ (ఫింగర్‌ ప్రింట్‌ బ్యూరో) పోస్టులకు 21 నుంచి 25 ఏళ్లు ఉండాలి.
• పోలీస్ ఎస్‌ఐ, స్టేషన్‌ ఫైర్ ఆఫీసర్‌, జైలర్‌ పోస్టులకు 21 నుంచి 25 ఏళ్లు ఉండాలి.