Two dies in Road Accident | ఔట‌ర్‌పై పేలిన ట్రాలీ ఆటో టైరు.. ఇద్ద‌రు కూలీలు దుర్మ‌ర‌ణం

Two dies in Road Accident | త్రినేత్ర న్యూస్: మేడ్చల్ జిల్లా కీసర పోలీస్ స్టేషన్ పరిధిలో ఔటర్ రింగ్ రోడ్డుపై శనివారం ఉద‌యం ఘోర‌ రోడ్డు ప్రమాదం చోటుచేసుకుంది. ఈ ప్రమాదంలో ఇద్దరు మృతి చెందగా 11 మంది గాయపడ్డారు. మృతదేహాలను పోస్టుమార్టం నిమిత్తం ప్రభుత్వ ఆసుపత్రికి తరలించారు.

పోలీసుల‌ వివరాల ప్రకారం.. మహారాష్ట్రకు చెందిన కూలీలు కీసర నుంచి శామీర్‌పేట వైపు ట్రాలీ ఆటోలో వెళ్తున్నారు. ఈ క్రమంలో ఔటర్‌ రింగ్‌రోడ్డుపై ట్రాలీ ఆటో టైరు ఒక్క‌సారిగా పేల‌డంతో బోల్తా పడింది. ఈ ప్ర‌మాదంలో ఇద్దరు కూలీలు అక్కడిక‌క్కడే ప్రాణాలు కోల్పోయారు. ఈ ఘ‌ట‌నపై సమాచారం అందుకున్న పోలీసులు సంఘటనా స్థలానికి చేరుకుని కేసు నమోదు చేసి దర్యాప్తు చేపట్టారు. పూర్తి వివరాలు తెలియాల్సి ఉంది.