Trains Cancelled | ప్ర‌యాణికుల‌కు అల‌ర్ట్‌.. ఈ రూట్ల‌లో రైళ్లు ర‌ద్దు

Trains Cancelled | త్రినేత్ర‌.న్యూస్‌: దూర ప్రాంతాల‌కు వెళ్లే వాళ్లు, ఉద్యోగులు ముందుగానే త‌మ ప్ర‌యాణాల‌ను ప్లాన్ చేసుకుంటూ ఉంటారు. దానికి అనుగుణంగా రైళ్ల‌లో టికెట్లు బుక్‌చేసుకుంటారు. అలాంటి వారికి బిగ్ అల‌ర్ట్‌. వ‌చ్చే నెల 28 నుంచి ప‌లు రైళ్లు ర‌ద్దు (Trains Cancelled) కానున్నాయి. ఈ మేర‌కు ద‌క్షిణ మ‌ధ్య రైల్వే (SCR) అధికారులు వెల్ల‌డించారు. దక్షిణ తూర్పు రైల్వే ఖరగ్‌పూర్ విభాగంలోని బాలేశ్వర్ స్టేషన్‌లో ఆధునీకరణ, నాన్ ఇంటర్ లాకింగ్ పనులు జరుగుతున్న నేప‌థ్యంలో సికింద్రాబాద్ మీదుగా ప్రయాణించే పలు ఎక్స్‌ప్రెస్ రైళ్లను రద్దు చేసినట్లు వెళ్ల‌డించారు.

మరమ్మతులు పూర్తయిన తర్వాత రైళ్లు ఎప్పటి నుంచి పునఃప్రారంభించేది వెల్లడిస్తామని రైల్వే అధికారులు ప్రకటించారు. ఆయా మార్గాల్లో, ఈ రైళ్లలో ప్రయాణించే వారు తప్పనిసరిగా ప్రత్యామ్నాయ ఏర్పాట్లు చేసుకోవాలని సూచించారు. నాన్ ఇంటర్ లాకింగ్ పనులు పూర్తి కాగానే తిరిగి ఈ రైళ్ల రాకపోకలు ప్రారంభమవుతాయని తెలిపారు.

రద్దయ్యే రైళ్లు ఇవే..

• జూలై 28 నుంచి ఆగస్టు 8 వరకు.. సికింద్రాబాద్-హౌరా-ఫలక్‌నుమా ఎక్స్‌ప్రెస్
• జూలై 29 నుంచి ఆగస్టు వరకు.. హౌరా-సికింద్రాబాద్-ఫలక్‌నుమా ఎక్స్‌ప్రెస్
• ఆగస్టు 4 వరకు.. శాలిమార్-చర్లపల్లి ఈస్ట్‌కోస్ట్ ఎక్స్‌ప్రెస్‌
• ఆగస్టు 6 వరకు.. చ‌ర్లపల్లి-శాలిమార్ ఈస్ట్‌కోస్ట్ ఎక్స్‌ప్రెస్‌
• ఆగస్టు 5 వరకు.. శాలిమార్-సికింద్రాబాద్ ఎక్స్‌ప్రెస్
• ఆగస్టు 7వ వరకు.. సికింద్రాబాద్-శాలిమార్ ఎక్స్‌ప్రెస్