Eatala Rajendar | పార్టీ బ‌లోపేతానికి శిక్ష‌ణా కార్య‌క్ర‌మాలు కీల‌కం: ఈట‌ల రాజేంద‌ర్

త్రినేత్ర‌.న్యూస్‌: పార్టీ బ‌లోపేతానికి శిక్ష‌ణా కార్య‌క్ర‌మాలు ఎంతో కీల‌క‌మ‌ని మ‌ల్కాజిగిరి ఎంపీ, బీజేపీ జాతీయ కార్య‌వ‌ర్గ స‌భ్యులు ఈట‌ల రాజేంద‌ర్ అన్నారు. వరంగల్‌లో శ‌నివారం నిర్వహించిన "పండిట్ దీన్ దయాళ్ ఉపాధ్యాయ ప్రశిక్షణ మహాభియాన్ - 2026, వరంగల్ జిల్లా ప్రశిక్షణ శిబిరంలో ఆయ‌న పాల్గొని ప్ర‌సంగించారు. దేశాభివృద్ధి, అంత్యోద‌య ల‌క్ష్యాల సాధ‌న‌లో ప్ర‌తి కార్య‌క‌ర్త స‌మ‌ర్థంగా ప‌ని చేయాల‌ని పిలుపునిచ్చారు.

ఈ సందర్భంగా ఆయ‌న కార్య‌కర్త‌ల‌తో ముచ్చ‌టించారు. శిబిరంలో ఏర్పాటు చేసిన ఫోటో గ్యాలరీని సందర్శించి, భారతీయ జనతా పార్టీ చరిత్ర, సిద్ధాంతాలు, ప్రముఖ నాయకుల సేవలను ప్రతిబింబించే చిత్రాలను ఆసక్తిగా తిల‌కించి పరిశీలించారు.