Traffic Constable | మైన‌ర్ బాలిక‌ను ర‌హ‌స్యంగా పెండ్లి చేసుకున్న ట్రాఫిక్ కానిస్టేబుల్‌

Traffic Constable | త్రినేత్ర‌.న్యూస్‌: చ‌ట్టాన్ని కాపాడాల్సిన ఓ పోలీసు (Traffic Constable) అధికారి దానిని ఉల్లంఘించి మైన‌ర్ బాలిక‌ను పెండ్లి (Child Marriage) చేసుకున్నారు. ఈ నెల 9న యాదాద్రి భువ‌న‌గిరి జిల్లాలో జ‌రిగిన ఈ ఘ‌ట‌న ఆల‌స్యంగా విష‌యం బ‌య‌ట‌కు వ‌చ్చింది.

నాయిని అనిల్ కుమార్ గౌడ్ అనే వ్యక్తి భువనగిరి (Bhuvanagiri) పట్టణంలో ట్రాఫిక్ కానిస్టేబుల్‌గా విధులు నిర్వహిస్తున్నాడు. ఈ నెల 9న అర్ధరాత్రి సమయంలో అనంతగిరి మండలానికి చెందిన ఒక బాలికను రహస్యంగా వివాహం చేసుకున్నారు. విష‌యం తెలుసుకున్న శిశు సంక్షేమ శాఖ (ICDS) అధికారులు హుజూర్ నగర్ పోలీస్ స్టేషన్‌లో ఫిర్యాదు చేశారు. దీంతో నిందితుడు అనిల్ కుమార్ గౌడ్‌పై బాల్య వివాహాల నిరోధక చట్టంతో పాటు పలు సెక్షన్ల కింద పోలీసులు కేసు నమోదు చేశారు. ప్రస్తుతం దీనిపై ద‌ర్యాప్తు చేస్తున్నారు.