Rain Forecast | నేడు అక్క‌డ‌క్క‌డ పిడుగుల‌తో కూడిన వ‌ర్షం.. ఈ జిల్లాల‌కు ఆరెంజ్ అల‌ర్ట్

Rain Forecast | త్రినేత్ర‌.న్యూస్‌: రాష్ట్రంలోని ప‌లు జిల్లాల్లో ఉరుములు మెరుపుల‌తో కూడిన తేలిక‌పాటి నుంచి మోస్తారు వ‌ర్షాలు (Rain Forecast) కురుస్తాయ‌ని వాతావ‌ర‌ణ శాఖ తెలిపింది. ఆసిఫాబాద్‌, మంచిర్యాల‌, పెద్ద‌ప‌ల్లి, భూపాల‌ప‌ల్లి, ములుగు, కొత్త‌గూడెం, ఖ‌మ్మం, న‌ల్ల‌గొండ‌, సూర్యాపే, మ‌హ‌బూబాబాద్‌, వ‌రంగ‌ల్‌, హ‌నుమ‌కొండ‌, జ‌న‌గామ‌, యాదాద్రి జిల్లాల్లో అక్క‌డ‌క్క‌డ వాన కురిసే అవ‌కాశం ఉంద‌ని తెలిపింది. గంట‌ల‌కు 30 నుంచి 40 కిలోమీట‌ర్ల వేగంతో ఈదురు గాలులు వీస్తాయ‌ని వెల్ల‌డించింది.

కాగా, రానున్న 2 నుంచి 3 గంట‌ల్లో నిజామాబాద్, కామారెడ్డి, పెద్దపల్లి, సిద్దిపేట, జ‌గిత్యాల‌, రాజన్న సిరిసిల్ల, కరీంనగర్ జిల్లాలో వర్షాలు కురుస్తాయని తెలిపింది. ఉరుములు మెరుపుల‌తోపాటు పిడుగులతో కూడిన (Thunderstorms) వర్షాలు పడతాయని, ప్ర‌జ‌లు జాగ్రత్తగా ఉండాలని హెచ్చరించింది. ఈనేప‌థ్యంలో ఆరెంజ్ అల‌ర్జ్ (Orange Alert) జారీచేసింది.

ఈ నెల‌ 16 నుంచి రాష్ట్రంలో అకాల వర్షాలు కురుస్తున్నాయి. పలు జిల్లాల్లో వడగండ్ల వానలు కుర‌వ‌డంతో రైతులకు ఇబ్బందులు త‌ప్ప‌లేదు. కాగా, ఈఏడాది ఎండల తీవ్రత ఎక్కువగా ఉంటుందని అధికారులు అంచనా వేస్తున్నారు.