TGEJAC | ఓపీఎస్‌ను పున‌రుద్ధ‌రించండి సీఎం గారు.. టీజీఈజేఏసీ విజ్ఞ‌ప్తి

ఉద్యోగ‌, ఉపాధ్యాయుల స‌మ‌స్య‌ల ప‌రిష్కారానికి సీఎంను క‌లిసిన టీజీఈజేఏసీ

TGEJAC | త్రినేత్ర‌.న్యూస్ : తెలంగాణ ఉద్యోగుల జేఏసీ (TGEJAC) చైర్మన్ వి. లచ్చి రెడ్డి, సెక్రటరీ జనరల్ ఒడ్నాల రాజశేఖర్ గురువారం ముఖ్యమంత్రి రేవంత్ రెడ్డిని కలిసి రాష్ట్రంలోని ఉద్యోగ, ఉపాధ్యాయుల సమస్యలను సత్వరమే పరిష్కరించాలని విజ్ఞ‌ప్తి చేశారు.

ఈ సందర్భంగా ముఖ్యంగా పీఆర్సీ (PRC), పెండింగ్ డీఏలు (DA), సీపీఎస్ రద్దు - ఓపీఎస్ పునరుద్ధరణతో పాటు ఉద్యోగ, ఉపాధ్యాయులకు సంబంధించిన ఇతర సమస్యలను ముఖ్యమంత్రి దృష్టికి తీసుకెళ్లారు.

ఉద్యోగ, ఉపాధ్యాయుల సమస్యలపై ముఖ్యమంత్రి సానుకూలంగా స్పందించారు. ఈ అంశాలపై వచ్చే సోమవారం జరిగే సమావేశంలో సమగ్రంగా చర్చించి, పీఆర్సీ, డీఏ, సీపీఎస్ తదితర డిమాండ్ల అమలుకు అవసరమైన చర్యలు తీసుకుంటామని హామీ ఇచ్చారు.

ఉద్యోగ, ఉపాధ్యాయుల సమస్యల పరిష్కారం పట్ల ముఖ్యమంత్రి సానుకూలంగా స్పందించడం పట్ల TGEJAC నాయకత్వం హర్షం వ్యక్తం చేసింది.