TGBIE | ఇంట‌ర్ ఫ‌స్టియ‌ర్ ప్ర‌వేశాల గడువు పొడిగింపు.. ఆగ‌స్టు 15 వ‌ర‌కు అవ‌కాశం

TGBIE | త్రినేత్ర‌.న్యూస్ : తెలంగాణ రాష్ట్ర ఇంట‌ర్మీడియ‌ట్ బోర్డు( TGBIE ) కీల‌క నిర్ణ‌యం తీసుకుంది. ఇంట‌ర్ ఫ‌స్టియ‌ర్‌( Inter First Year )లో ప్ర‌వేశాల నిమిత్తం మ‌రోసారి గ‌డువును పొడిగించింది. ఆగ‌స్టు 15వ తేదీ వ‌ర‌కు ఇంట‌ర్ ప్ర‌థ‌మ సంవ‌త్స‌రంలో ప్ర‌వేశాల‌కు అవ‌కాశం క‌ల్పిస్తూ ఇంట‌ర్ బోర్డు ఉత్త‌ర్వులు జారీ చేసింది.

గ‌వ‌ర్న‌మెంట్, ప్ర‌యివేటు ఎయిడెడ్‌, ప్ర‌యివేటు అన్ఎయిడెడ్‌, కోఆప‌రేటివ్, టీజీ రెసిడెన్షియ‌ల్, టీజీ సోష‌ల్ వెల్ఫేర్ రెసిడెన్షియ‌ల్, టీజీ ట్రైబ‌ల్ వెల్ఫేర్ రెసిడెన్షియ‌ల్, టీజీ మోడ‌ల్, కేజీబీవీ, టీజీఎంఆర్‌జేసీ, బీసీ వెల్ఫేర్ జూనియ‌ర్ కాలేజీల్లో ప్ర‌వేశాలు పొందొచ్చు. ప‌దో త‌ర‌గ‌తి పాసై ఇప్ప‌టికీ ఇంట‌ర్‌లో చేర‌ని విద్యార్థులు ఈ అవ‌కాశాన్ని స‌ద్వినియోగం చేసుకోవాల‌ని ఇంట‌ర్ బోర్డు తెలిపింది.

యాంటీ డ్రగ్‌ అఫిడవిట్‌ తప్పనిసరి

ప్రవేశాల కోసం విద్యార్థులు ఆధార్‌ సమర్పించడం తప్పనిసరి. దీనితోపాటు మత్తు పదార్థాలు వినియోగించబోమని, విక్రయించబోమని విద్యార్థులతోపాటు వారి తల్లిదండ్రుల నుంచి యాంటీ డ్రగ్‌ అఫిడవిట్‌ తప్పనిసరిగా తీసుకోవాలని నిబంధనల్లో స్పష్టం చేశారు.