TG TET | నెట్ టెట్ ఫ‌లితాలు విడుద‌ల‌.. లింక్ ఇదే..

TG TET | త్రినేత్ర‌.న్యూస్‌: ఉపాధ్యాయ అర్హ‌త ప‌రీక్ష (TG TET) ఫ‌లితాలు సోమ‌వారం విడుద‌ల కానున్నాయి. పాఠ‌శాల విద్య శాఖ డైరెక్ట‌ర్ కార్యాల‌యంలో మ‌ధ్యాహ్నం 2.30 గంట‌ల‌కు ఫలితాల‌ను (TET Results) అధికారులు విడుద‌ల చేయ‌నున్నారు. టెట్ ప‌రీక్ష‌ను ప్ర‌తిఏడాది రెండుసార్లు నిర్వ‌హిస్తున్న విష‌యం తెలిసిందే. మొద‌టి సెష‌న్‌ అయిన‌ జూన్ 2026 ప‌రీక్ష‌ల‌ను జూన్ 16 నుంచి 22 వరకు ఆన్‌లైన్ విధానంలో నిర్వహించారు. మొత్తం 1,53,752 మంది అభ్యర్థులు దరఖాస్తు చేసుకున్నారు. వీరిలో పేపర్-1 పరీక్షకు 50,113 మంది, పేపర్-2కు 1,03,639 మంది అభ్యర్థులు ఉన్నారు.

వీరిలో 1,53,752 మంది అభ్యర్థులు పరీక్షలు రాశారు. పేపర్-1 (Paper-I)కి 50,113 మంది హాజరుకాగా, పేపర్-2 (Paper-II)కి 1,03,639 మంది హాజరయ్యారు. అయితే పరీక్షలు ముగిసిన కొన్ని రోజుల్లోనే ఫలితాలు విడుద‌ల చేయ‌నుండ‌టం గ‌మ‌నార్హం.

అభ్యర్థులు తమ హాల్ టికెట్ నంబర్, పుట్టిన తేదీ వివరాలను అధికారిక వెబ్‌సైట్ https://tgtet.aptonline.in/ లేదా https://schooledu.telangana.gov.in/ ద్వారా ఫలితాలను తెలుసుకోవచ్చు. ఉపాధ్యాయ నియామకాల్లో (DSC) టెట్ మార్కులకు 20 శాతం వెయిటేజీ ఇస్తున్న విష‌యం తెలిసిందే. జనరల్ అభ్య‌ర్థుల‌కు 90 మార్కులు (60 శాతం), బీసీల‌కు 75 మార్కులు (50 శాతం), ఎస్సీ, ఎస్టీ, దివ్యాంగులు 60 మార్కులు (40 శాతం) సాధించాలి.