TG Inter Results | 12న తెలంగాణ ఇంట‌ర్ ఫ‌లితాలు విడుద‌ల‌.. చెక్ చేసుకోండిలా..!

TG Inter Results | త్రినేత్ర‌.న్యూస్ : తెలంగాణ ఇంట‌ర్ ఫ‌లితాల విడుద‌ల‌కు ముహుర్తం ఖ‌రారైంది. ఈ నెల 12వ తేదీన ఇంట‌ర్ ఫ‌స్టియ‌ర్, సెకండియ‌ర్ ఫ‌లితాల‌ను విడుద‌ల చేసేందుకు ఇంట‌ర్మీడియ‌ట్ బోర్డు స‌ర్వం సిద్ధం చేసింది. ఈ ఫ‌లితాల‌ను విద్యాశాఖ మంత్రి సీఎం రేవంత్ రెడ్డి విడుద‌ల చేయ‌నున్న‌ట్లు స‌మాచారం.

ఇంట‌ర్ ప్ర‌థ‌మ‌, ద్వితీయ సంవ‌త్స‌రం ఫ‌లితాల కోసం ఇంట‌ర్మీడియ‌ట్ బోర్డు అధికారిక వెబ్‌సైట్‌ను సంప్ర‌దించొచ్చు. ఇంట‌ర్ హాల్ టికెట్ నంబ‌ర్‌తోనే ఫ‌లితాల‌ను చూసుకోవ‌చ్చు.

ఇంట‌ర్ ప్ర‌థ‌మ‌, ద్వితీయ సంవ‌త్స‌రం ప‌రీక్ష‌ల‌కు 9,97,075 మంది విద్యార్థులు హాజ‌ర‌య్యారు. ఇందులో ఫ‌స్టియ‌ర్ విద్యార్థులు 4,89,126 మంది కాగా, సెకండియ‌ర్ విద్యార్థులు 5,07,949 మంది ఉన్నారు. ఫ‌స్టియ‌ర్ విద్యార్థుల్లో 2.17 ల‌క్ష‌ల మంది బాలురు, 2.24 ల‌క్ష‌ల మంది బాలిక‌లు ఉన్నారు. ఒకేష‌న‌ల్ కోర్సుల‌కు సంబంధించి 22,586 మంది బాలురు, 24,675 మంది బాలిక‌లు ఉన్నారు. ద్వితీయ సంవ‌త్సరం విద్యార్థుల్లో 2.31 ల‌క్ష‌ల మంది బాలురు, 2.30 ల‌క్ష‌ల మంది బాలిక‌లు ఉన్నారు. ఫిబ్ర‌వ‌రి 25 నుంచి మార్చి 18వ తేదీ వ‌ర‌కు రాష్ట్ర వ్యాప్తంగా 1495 కేంద్రాల్లో ప‌రీక్ష‌ల‌ను నిర్వ‌హించారు.