TG Inter results | ఏప్రిల్ 10న ఇంట‌ర్ ఫ‌లితాలు..! విడుద‌ల చేయ‌నున్న సీఎం రేవంత్..!!

TG Inter results | త్రినేత్ర‌.న్యూస్ : ఇంట‌ర్ ఫ‌లితాల విడుద‌ల‌కు ఇంట‌ర్మీడియ‌ట్ బోర్డు క‌సర‌త్తు చేస్తోంది. జ‌వాబు ప‌త్రాల మూల్యాంక‌నం తుది ద‌శ‌కు చేరుకోవ‌డంతో.. ఏప్రిల్ 10న ఫ‌లితాల‌ను విడుద‌ల చేసేందుకు సిద్ధ‌మ‌వుతోంది. ఈ ఏడాది ఇంట‌ర్ ఫ‌లితాల‌ను రాష్ట్ర ముఖ్య‌మంత్రి రేవంత్ రెడ్డి స‌మ‌క్షంలో విడుద‌ల చేసేందుకు సిద్ధ‌మ‌వుతున్న‌ట్లు స‌మాచారం.

ఇంట‌ర్ ప్ర‌థ‌మ‌, ద్వితీయ సంవ‌త్స‌రం ప‌రీక్ష‌ల‌కు 9,97,075 మంది విద్యార్థులు హాజ‌ర‌య్యారు. ఇందులో ఫ‌స్టియ‌ర్ విద్యార్థులు 4,89,126 మంది కాగా, సెకండియ‌ర్ విద్యార్థులు 5,07,949 మంది ఉన్నారు. ఫ‌స్టియ‌ర్ విద్యార్థుల్లో 2.17 ల‌క్ష‌ల మంది బాలురు, 2.24 ల‌క్ష‌ల మంది బాలిక‌లు ఉన్నారు. ఒకేష‌న‌ల్ కోర్సుల‌కు సంబంధించి 22,586 మంది బాలురు, 24,675 మంది బాలిక‌లు ఉన్నారు. ద్వితీయ సంవ‌త్సరం విద్యార్థుల్లో 2.31 ల‌క్ష‌ల మంది బాలురు, 2.30 ల‌క్ష‌ల మంది బాలిక‌లు ఉన్నారు. ఫిబ్ర‌వ‌రి 25 నుంచి మార్చి 18వ తేదీ వ‌ర‌కు రాష్ట్ర వ్యాప్తంగా 1495 కేంద్రాల్లో ప‌రీక్ష‌ల‌ను నిర్వ‌హించారు.