EAPCET | టీజీ ఈఏపీసెట్ నోటిఫికేష‌న్ విడుద‌ల‌.. 19 నుంచి ద‌ర‌ఖాస్తులు

EAPCET | త్రినేత్ర‌.న్యూస్‌: రాష్ట్రంలోని ఇంజినీరింగ్‌, అగ్రిక‌ల్చ‌ర్‌, ఫార్మ‌సీ కాలేజీల్లో ప్ర‌వేశాల కోసం నిర్వ‌హించే ఉమ్మ‌డి ప్ర‌వేశ‌ప‌రీక్ష టీజీఈఏపీసెట్ (EAPCET) నోటిఫికేష‌న్ విడుద‌లైంది. ఈ నెల 19 నుంచి ఆన్‌లైన్ ద‌ర‌ఖాస్తులు ప్రారంభ‌మ‌వుతాయి. ఏప్రిల్ 4 వ‌ర‌కు ద‌రఖాస్తు చేసుకోవ‌చ్చు. అప్లికేష‌న్లు https://eapcet.tgche.ac.in వెబ్‌సైట్‌లో అందుబాటులో ఉంటాయి.

ప‌రీక్ష‌ను మే 4 నుంచి 11 వ‌ర‌కు నిర్వ‌హిస్తారు. కంప్యూట‌ర్ బేస్డ్‌గా ప‌రీక్ష (CBT) ఉంటుంది. రెండు విడుత‌ల్లో ప‌రీక్ష‌ల‌ను నిర్వ‌హిస్తారు. అగ్రిక‌ల్చ‌ర్‌, ఫార్మ‌సీ అభ్య‌ర్థుల‌కు మే 4న‌ ఉద‌యం 9 నుంచి మ‌ధ్యాహ్నం 12 వ‌ర‌కు, మ‌ధ్యాహ్నం 3 నుంచి సాయంత్రం 6 గంటల వ‌ర‌కు ఉంటుంది. మే 5న ఉద‌యం 9 నుంచి మ‌ధ్యాహ్నం 12 గంట‌ల వ‌ర‌కు ప‌రీక్ష నిర్వ‌హిస్తారు.

ఇంజినీరింగ్ విభాగానికి మే 9 నుంచి 11వ తేదీ వ‌ర‌కు మే 4న‌ ఉద‌యం 9 నుంచి మ‌ధ్యాహ్నం 12 వ‌ర‌కు, మ‌ధ్యాహ్నం 3 నుంచి సాయంత్రం 6 గంటల వ‌ర‌కు ప‌రీక్ష‌ ఉంటుంది.

ద‌ర‌ఖాస్తు ఫీజు: రూ.900, ఎస్సీ, ఎస్టీ, దివ్యాంగుల‌కు రూ.500
వెబ్‌సైట్‌: https://eapcet.tgche.ac.in