Plastic Flowers | రాష్ట్రంలో ప్లాస్టిక్ పూల అమ్మ‌కాల‌పై నిషేధం..

Plastic Flowers | త్రినేత్ర‌.న్యూస్‌: ప్లాస్టిక్ పూల (Plastic Flowers) అమ్మ‌కాల‌పై ప్ర‌భుత్వం సంచ‌ల‌న నిర్ణ‌యం తీసుకున్న‌ది. ప్ర‌భుత్వ మార్కెట్ల‌లో ప్లాస్టిక్ పూలపై నిషేధం విధించింది. ఇక నుంచి రాష్ట్రంలోని ప్రభుత్వ మార్కెట్లలో (Government Markets) ప్లాస్టిక్ పూలను విక్రయించకూడదని, ఎవరైనా అమ్మితే చర్యలు తీసుకుంటామ‌ని హెచ్చరించింది. ఈ మేర‌కు మార్కెటింగ్ శాఖ ఉత్త‌ర్వులు జారీచేసింది. ఎవరైనా అమ్మితే కఠిన చర్యలు తీసుకుంటామని, లైసెన్స్ కూడా రద్దు చేస్తామ‌ని స్ప‌ష్టం చేసింది. రైతు బజార్లు (Rythu Bazaar), ప్రభుత్వ మార్కెట్లలో ఈ నిషేధం అమల్లో ఉంటుంద‌ని తెలిపింది. సహజ పూలు, వాటి ఉత్పత్తులను మాత్రమే విక్రయించాల‌ని వెల్ల‌డించింది.

ప్రభుత్వ రైతు బజార్లు, మార్కెట్లలో సహజ పూలను కాకుండా ప్లాస్టిక్ పూలను ఎక్కువగా అమ్ముతున్నట్లు ఫిర్యాదులు రావ‌డంతో ప్ర‌భుత్వం ఈ మేర‌కు నిర్ణ‌యం తీసుకున్న‌ది. ప్లాస్టిక్ పూల వల్ల సహజ పూల విక్రయాలు జరగడం లేద‌ని, దీంతో తమకు నష్టం జరుగుతోందని పూల వ్యాపారులు ఆవేదన వ్యక్తం చేస్తున్నారు. ఈ విషయాన్ని ఇటీవల వ్యవసాయశాఖ మంత్రి తుమ్మల నాగేశ్వరరావు దృష్టికి తీసుకెళ్లారు. దీంతో స్పందించిన మంత్రి ఈ మేర‌కు చర్యలు చేపట్టారు. ఇప్ప‌టికే ప‌లు రాష్ట్రాల్లో ప్లాస్టిక్ పూల విక్ర‌యంపై నిషేధం అమ‌ల్లో ఉంది.