TG Inter Results | తెలంగాణ ఇంట‌ర్ ఫ‌లితాలు విడుద‌ల‌.. బాలిక‌ల‌దే హ‌వా

TG Inter Results | త్రినేత్ర‌.న్యూస్ : తెలంగాణ ఇంట‌ర్ ఫ‌లితాలు విడుద‌ల‌య్యాయి. నాంప‌ల్లి ఇంట‌ర్మీడియ‌ట్ బోర్డు కార్యాల‌యంలో ఇంట‌ర్ ఫ‌స్టియ‌ర్, సెకండియ‌ర్ ఫ‌లితాల‌ను ప్ర‌భుత్వ స‌ల‌హాదారు కేశ‌వ‌రావు, విద్యాశాఖ కార్యదర్శి యోగితా రాణా క‌లిసి విడుద‌ల చేశారు. ఇంట‌ర్ ఫ‌స్టియ‌ర్, సెకండియ‌ర్ ఫ‌లితాల్లో బాలిక‌లే హ‌వా సృష్టించారు.

ఫ‌స్టియ‌ర్ ఫ‌లితాలు ఇలా..

ఫ‌స్టియ‌ర్ ప‌రీక్ష‌ల‌కు మొత్తం 4,89,123 మంది విద్యార్థులు హాజ‌రు కాగా, 3,23,807 మంది ఉత్తీర్ణ‌త సాధించారు. మొత్తంగా 66.20 శాతం ఉత్తీర్ణ‌త న‌మోదైంది. ఇందులో 2,49,110 మంది బాలిక‌లు ప‌రీక్ష‌ల‌కు హాజ‌రు కాగా, 1,85,331 మంది పాస‌య్యారు. బాలిక‌ల ఉత్తీర్ణ‌త శాతం 74.40 శాతంగా న‌మోదైంది. బాలురు 2,40,013 మంది హాజ‌రు కాగా, 1,38,475 మంది ఉత్తీర్ణ‌త పొందారు. బాలుర ఉత్తీర్ణ‌త శాతం 57.69 శాతంగా న‌మోదైంది.

సెకండియ‌ర్ ఫ‌లితాలు ఇలా..

ఇంట‌ర్ సెకండియ‌ర్ ప‌రీక్ష‌ల‌కు మొత్తం 5,07,948 మంది విద్యార్థులు హాజ‌రు కాగా, 3,58,490 మంది పాస‌య్యారు. మొత్తం ఉత్తీర్ణ‌త శాతం 70.58 శాతంగా న‌మోదైంది. 2,54,050 మంది బాలిక‌లు ప‌రీక్ష‌లు రాయ‌గా, 1,99,813 మంది పాసై 78.65 శాతం న‌మోదు చేశారు. బాలురు 2,53,898 మంది హాజ‌రు కాగా, 1,58,677 మంది పాస‌య్యారు. బాలుర ఉత్తీర్ణ‌త శాతం 62.50 శాతంగా న‌మోదైంది.

ఫిబ్ర‌వ‌రి 25 నుంచి మార్చి 18వ తేదీ వ‌ర‌కు రాష్ట్ర వ్యాప్తంగా 1495 కేంద్రాల్లో ప‌రీక్ష‌ల‌ను నిర్వ‌హించారు.