Talasani Srinivas Yadav | ఏ 100 రోజుల్లో హామీలు అమ‌లు చేస్తామో మేము చెప్పిన‌మా?.. సీఎం త‌ల‌సాని

Talasani Srinivas Yadav | త్రినేత్ర‌.న్యూస్‌: 100 రోజుల్లో హామీలు అలు చేస్తామ‌ని చెబితే మాకు అధికారం ఇచ్చారు.. కానీ ఏ వంద రోజుల్లోనో అని చెప్పామా అని సీఎం త‌ల‌సాని శ్రీనివాస్ యాద‌వ్ (Talasani Srinivas Yadav) అన్నారు. `బాండ్‌ పేప‌ర్ల‌మీద 100 వంద రోజులు అనే రాసిచ్చినం.. ఏ వంద రోజులో చెప్ప‌లే. 5 ఏండ్లు కాదు 25 ఏండ్లు మీమే ఉంటాం.. ఎప్పుడో ఒకప్పుడు చేస్తాం. ఢిల్లీ వాళ్ల‌తో మాకున్న ఇబ్బందులు మాకున్నాయి. మా వాళ్ల‌తోనూ ఇబ్బందులు ఉన్నాయి` అని చెప్పారు. తెలంగాణ భ‌వ‌న్‌లో బీఆర్ఎస్ ఎమ్మెల్యేలు మాక్ అసెంబ్లీ (BRS Mock Assembly) నిర్వ‌హిస్తున్నారు. ఇందులో త‌ల‌సాని శ్రీనివాస్ యాద‌వ్ ముఖ్య‌మంత్రిగా, జ‌హీరాబాద్ ఎమ్మెల్యే మాణిక్ రావు స్పీకర్‌గా, జ‌న‌గామ ఎమ్మెల్యే ప‌ల్లా రాజేశ్వ‌ర్ రెడ్డి మంత్రి ఉత్త‌మ్ కుమార్ రెడ్డిగా వ్య‌వ‌హ‌రించారు. ఈ సంద‌ర్భంగా సీఎం త‌ల‌సాని మాట్లాడుతూ..

`నాకు చాలా సమస్యలు ఉన్నాయి. ఢిల్లీతో సమస్య, పార్టీలో సమస్య. ఆఖరికి బీఆర్ఎస్‌తో (BRS) కూడా ప్రశాంతత‌ లేదు. ప్ర‌పంచంలోనే అద్భుత‌మైన కాళేశ్వ‌రం ప్రాజెక్టును మా ఇందిరా గాంధీ క‌ట్టారు. తెలంగాణలో కాంగ్రెస్ (Congress) అధికారంలోకి వస్తే వంద రోజుల్లో హామీలు అమలు చేస్తామని చెప్పాం. ఏ సంవత్సరం వంద రోజులో మేము చెప్పలేదు కదా.! ఢిల్లీ వాళ్ళతో మాకుండే ఇబ్బందులు మాకు ఉన్నాయి. ప్రజలను మోసం చేసి అధికారంలోకి రావాలని మేము చూశాం. రైతాంగం ఎప్పటి నుంచో ఇబ్బందులు పడుతున్నారు. ఢిల్లీకి పోతే మమ్మల్ని చూసేవాడే లేడు. స‌భ్యులు స‌భ‌లో సబ్జెక్టు తప్పా ఏమైనా మాట్లాడుకోండి` అంటూ సీఎం రేవంత్ రెడ్డిపై సెటైర్లు వేశారు.

100 రోజుల్లో హామీలు అమలు చేస్తామని చెప్పాము కానీ ఏ 100 రోజులో చెప్పామా?

ఢిల్లీ వాళ్ళతో మాకుండే ఇబ్బందులు మాకు ఉన్నాయి

- మాక్ అసెంబ్లీలో సీఎం తలసాని pic.twitter.com/Cxb3tC1wIw

— Telugu Scribe (@TeluguScribe) September 12, 2026