Government Teachers | డుమ్మా కొడితే ఉద్యోగం ఊడిన‌ట్టే.. ఉపాధ్యాయుల‌కు స‌ర్కార్ వార్నింగ్‌

Government Teachers | త్రినేత్ర‌.న్యూస్‌: బ‌డి గంట మోగ‌క ముందే విద్యార్థులు వ‌స్తారు. కానీ, ఉపాధ్యాయులు (Government Teachers)మాత్రం క‌నిపించ‌రు. అస‌లు వ‌స్తారో రారో కూడా తెలియ‌దు. విద్యార్థుల‌కే కాదు.. ఆ పాఠ‌శాల ప్ర‌ధానోపాధ్యాయుడికి కూడా ఎలాంటి స‌మాచారం ఉండ‌దు. ఇలాంటి ఘ‌ట‌న‌లు ప్ర‌భుత్వ స్కూళ్ల‌లో (Government Schools) స‌ర్వ‌సాధార‌ణం. చెప్పాపెట్ట‌కుండా విధుల‌కు గైర్హాజ‌ర‌వుతూ విద్యార్థుల భ‌విష్య‌త్‌తో చ‌ల‌గాట‌మాడే ఉపాధ్యాయులు, నాన్ టీచింగ్ స్టాఫ్‌పై (Non Teaching Staff) ప్ర‌భుత్వం చ‌ర్య‌ల‌కు ఉప‌క్ర‌మించింది. ఇక‌పై ముంద‌స్తు స‌మాచారం, అనుమ‌తి లేకుండా విధుల‌కు ఆబ్సెంట్ అయితే ఊరుకునే ప్ర‌స‌క్తే లేద‌ని స్ప‌ష్టం చేసింది. అలాంటివారిపై సీసీఏ (CCA)నిబంధ‌న‌ల ప్ర‌కారం చ‌ర్య‌లు తీసుకోవాల‌ని (Dismiss) రీజిన‌ల్ జాయింట్ డైరెక్ట‌ర్లు, జిల్లా విద్యాశాఖ అధికారుల‌ను ఆదేశించింది.

కొత్త మార్గదర్శకాల ప్రకారం వ‌రుస‌గా ఏడాదికి మించి విధులకు హాజరుకాని (Absent) టీచరు లేదా ఉద్యోగిని సర్వీసు నుంచి తొలగించ‌నున్నారు. నిబంధనల ప్రకారం ఏ ప్రభుత్వ ఉద్యోగికీ వరుసగా ఐదేండ్ల‌కు మించి ఎలాంటి సెలవులను మంజూరు చేయ‌డానికి వీల్లేదు. విదేశీ సర్వీసుల్లో ఉంటూ గడువు ముగిసినా తిరిగి రాని వారికి, ఏడాదికి పైగా అనుమతి లేకుండా విధులకు దూరంగా ఉన్న వారికి ఇది వర్తిస్తుంది.

అలాంటివారు తమ ఉద్యోగానికి స్వచ్ఛందంగా రాజీనామా (Resignation) చేసినట్లుగానే భావించి విచారణ పూర్తిచేస్తారు. విధుల‌కు హాజ‌రుకాన‌ట్లు గుర్తించిన వెంటనే స‌దరు ఉద్యోగికి షోకాజ్ నోటీసులు ఇవ్వాలని ప్ర‌భుత్వం స్పష్టం చేసింది. అదేవిధంగా అనుమతి లేని గైర్హాజరు కాలాన్ని పనిచేయని కాలం (డైస్ నన్)గా పరిగణిస్తారు. ఈ కాలానికి సంబంధించి జీతభత్యాలు చెల్లించకపోవడతంపాటు, ఇంక్రిమెంట్లు, పింఛను వంటి ఆర్థిక ప్రయోజనాల్లో కూడా కోత విధించ‌నున్నారు.