Viral News | కవిత సోషల్ మీడియా సెల్‌లో వేధింపులు..! ఫిర్యాదు చేసిన వారినే ఉద్యోగం నుంచి తొలగించారని ఆరోపణలు!!

Viral News | తెలంగాణ రక్షణ సేన పార్టీ అధినాయకురాలు, మాజీ ఎమ్మెల్సీ కల్వకుంట్ల కవిత సోషల్ మీడియా టీంను ప్రస్తావిస్తూ సోషల్ మీడియాలో ఓ పోస్టు వైరల్ అవుతోంది. ఆ పోస్టులో సోషల్ మీడియా సెల్‌లో పనిచేస్తున్న ఇద్దరు వ్యక్తులు మహిళా సిబ్బందితో అసభ్యంగా ప్రవర్తించారని, లైంగిక వేధింపులకు పాల్పడ్డారని ఆరోపించారు. ఈ ఘటనపై బాధితులు ఫిర్యాదు చేసినప్పటికీ, ఆరోపణలు ఎదుర్కొంటున్న వారిపై చర్యలు తీసుకోకుండా.. ఫిర్యాదు చేసిన వారిపైనే క్రమశిక్షణ చర్యలు తీసుకుని ఉద్యోగాల నుంచి తొలగించినట్లు పోస్టులో పేర్కొన్నారు. ఈ వ్యవహారం అంతర్గత విభేదాలు, వ్యక్తిగత ఆధిపత్య పోరే కారణమని కూడా అందులో ఆరోపించారు. ఓ యువతి పెట్టిన పోస్ట్‌ సర్వత్రా చర్చనీయాంశంగా మారింది. అయితే, ఈ వ్యవహారంపై కవిత గానీ, ఆమె సోషల్ మీడియా టీమ్‌ గానీ ఇప్పటి వరకు స్పందించలేదు. సోషల్ మీడియాలో వైరల్ అవుతున్న పోస్టులో చేసిన ఆరోపణలకు సంబంధించిన పోస్ట్‌ నెట్టింట వైరల్‌ మారింది.