Asifabad |ఆసిఫాబాద్‌లో ప‌సికందును పీక్కుతిన్న వీధికుక్క‌లు..

Asifabad | త్రినేత్ర న్యూస్‌: ఆసిఫాబాద్‌ (Asifabad) జిల్లా చింత‌ల‌మానేప‌ల్లి మండ‌లంలో హృదయ విదారక ఘటన చోటుచేసుకుంది. చింత‌ల‌మానేప‌ల్లి మండ‌లంలోని దిందా (Dimda) గ్రామ శివారులోని నాలీలో నెలలు నిండని పసికందును (Newborn Baby) క‌వ‌ర్‌లో చుట్టి గుర్తుతెలియని వ్యక్తులు రోడ్డుపై పడేశారు. దీంతో క‌వ‌ర్‌ను లాగిన వీధి కుక్క‌లు (Stray Dogs) ప‌సికందును పీక్కుతిన్నాయి. గ‌మ‌నించిన‌ స్థానికులు పోలీసులకు స‌మాచారం అందించారు. ఘ‌ట‌నా స్థ‌లానికి చేరుకుని పరిశీలించారు. గర్భస్రావం (అబార్షన్‌) చేసి పసికందును అక్కడ పడేసినట్లు అనుమానిస్తున్నారు. అయితే అప్ప‌టికే ప‌సికందు మృతించిన‌ట్లు స్థానికులు తెలిపారు.

కాగా, చుట్టుప‌క్క‌ల సీసీ కెమెరాల ఫుటేజీని ప‌రిశీలిస్తున్నారు. గ్రామంలో, చుట్టుపక్కల ప్రాంతాల్లో ఇటీవల ఎవరికైనా ఇలాంటి అబార్షన్‌ జరిగిందా? ఎవరైనా ఇతర ప్రాంతాల నుంచి వచ్చి ఇలా చేశారా అనే కోణంలో పోలీసులు ఆరా తీస్తున్నారు. స్థానిక ద‌వాఖాన‌లు, ప్రైవేట్ క్లినిక్‌ల రికార్డులను పరిశీలిస్తున్నారు.