Sammakka – The Glory of Medaram | మేడారం వైభవం కళ్లకు కట్టేలా.. ‘సమ్మక్క – ది గ్లోరీ ఆఫ్ మేడారం’ పుస్తకాన్ని ఆవిష్కరించిన మంత్రి సీతక్క

Sammakka - The Glory of Medaram | త్రినేత్ర.న్యూస్ : తెలంగాణ కుంభమేళగా పేరుగాంచిన మేడారం సమ్మక్క-సారలమ్మ జాతర విశిష్టతను ప్రపంచానికి చాటిచెప్పే దిశగా మరో అడుగు పడింది. వరంగల్ మాజీ డీపీఆర్వో, ప్రస్తుత సమాచార పౌర సంబంధాల శాఖ జాయింట్ డైరెక్టర్ కన్నెకంటి వెంకటరమణ రచించిన 'సమ్మక్క - ది గ్లోరీ ఆఫ్ మేడారం' (Sammakka - The Glory of Medaram) పుస్తకాన్ని రాష్ట్ర పంచాయతీరాజ్, స్త్రీ శిశు సంక్షేమ శాఖ మంత్రి ధనసరి సీతక్క ఆదివారం మేడారంలో ఆవిష్కరించారు. అరుదైన సమాచార నిధి ఈ సందర్భంగా మంత్రి సీతక్క మాట్లాడుతూ.. మేడారం జాతర ప్రాముఖ్యతను, భక్తుల విశ్వాసాన్ని కళ్లకు కట్టేలా ఈ పుస్తకాన్ని రూపొందించడం అభినందనీయమన్నారు. దశాబ్దాలుగా జాతర విధుల్లో ఉంటూ, క్షేత్రస్థాయిలో తాను గమనించిన అంశాలను వ్యాస రూపంలో రచయిత పొందుపరిచారని ఆమె కొనియాడారు. ఈ కార్యక్రమంలో ములుగు జిల్లా కలెక్టర్ దివాకర, మేడారం వడ్డే పూజారుల సంఘం అధ్యక్షుడు సిద్దబోయిన జగ్గారావు, ములుగు మార్కెట్ కమిటీ చైర్పర్సన్, ములుగు డీపీఆర్వో రఫీ తదితరులు పాల్గొన్నారు. పుస్తక విశేషాలు రచయిత కన్నెకంటి వెంకటరమణ 1994 నుండి నిరంతరాయంగా మేడారం జాతర విధుల్లో పాల్గొంటున్నారు. ములుగు డివిజనల్ పీఆర్వోగా, వరంగల్ డీపీఆర్వోగా తన 30 ఏళ్ల అనుభవంలో జాతరలో చోటుచేసుకున్న మార్పులను ఈ పుస్తకంలో వివరించారు. మీడియా మేనేజ్మెంట్: కోటికి పైగా భక్తజనం వచ్చే ఈ జాతరలో మీడియా నిర్వహణ ఎంత సంక్లిష్టమైనదో వివరించారు. సంస్కృతీ సంప్రదాయాలు: కోయ గిరిజనుల ఆచారాలు, వివిధ రాష్ట్రాల నుండి వచ్చే భక్తుల మొక్కులు, జాతర విశిష్టతను ఇతర పుణ్యక్షేత్రాలతో పోలుస్తూ విశ్లేషించారు. నిరంతర పోరాటం: నమ్మిన జనం కోసం ప్రాణాలిచ్చిన తల్లుల ధిక్కార స్వరాన్ని, గిరిజన చైతన్యాన్ని ఈ పుస్తకం ప్రతిబింబిస్తుంది. ఈ పుస్తకం మేడారంపై అధ్యయనం చేసే పరిశోధకులకు, జర్నలిస్టులకు, సామాన్య భక్తులకు ఒక కైవారంగా నిలుస్తుంది. పుస్తకం కోసం సంప్రదించాల్సిన నెంబర్లు 9849905900 , 9490396828 కన్నెకంటి వెంకట రమణ జాయింట్ డైరెక్టర్, సమాచార శాఖ

FOLLOW US

సంక్షిప్త సారాంశం

ట్యాగ్స్:

సంబంధిత వార్తలు

KCR | బాగున్నారా.. అమ్మా.. మహిళా మంత్రులకు కేసీఆర్ ఆత్మీయ పలకరింపు

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Ponguleti Srinivas Reddy | ధరణి అక్రమార్కులపై మంత్రి పొంగులేటి ఆగ్రహం: 'ప్రభుత్వ సొమ్మును అణా పైసాతో సహా వసూలు చేస్తాం'

Virat Kohli | చ‌రిత్ర సృష్టించిన విరాట్ కోహ్లీ.. స‌చిన్ రికార్డును బ్రేక్ చేసిన ర‌న్ మెషిన్‌..

Cyberabad Police Weekend Drunk and Drive | మందుబాబులకు సైబరాబాద్ పోలీసులు షాక్: డ్రంక్ అండ్ డ్రైవ్‌లో 137 మంది అరెస్ట్.. 10 ఏళ్ల జైలు తప్పదు!

POPULAR LINKS

Iran Protests 2026 | అట్టుడుకుతున్న ఇరాన్: ఖమేనీ పాలనకు వ్యతిరేకంగా ప్రజా గర్జన.. 200 మంది మృతి, మసీదులకు నిప్పు