Green India Challenge | జ‌మ్మి మొక్క‌ నాటిన మ‌హారాష్ట్ర విద్యార్థులు.. సంతోషాన్నిచ్చింద‌న్న సంతోష్ కుమార్

Green India Challenge | త్రినేత్ర న్యూస్ : గ్రీన్ ఇండియా చాలెంజ్‌( Green India Challenge ) లో భాగంగా చేప‌ట్టిన జ‌మ్మి చెట్ల( Jammi Plant ) పెంప‌క ఉద్య‌మం ఉధృతంగా కొన‌సాగుతోంది. మ‌హారాష్ట్ర( Maharashtra ) ధ‌ర్మాబాద్ తాలుకా ప‌రిధిలోని బాబ్లీ గ్రామానికి చెందిన విద్యార్థులు మంగ‌ళ‌వారం త‌మ స్కూల్ ఆవ‌ర‌ణ‌లో జ‌మ్మి మొక్క‌ను నాటారు.

ఈ సంద‌ర్భంగా గ్రీన్ ఇండియా చాలెంజ్ సృష్టిక‌ర్త జోగినిప‌ల్లి సంతోష్ కుమార్( Santosh Kumar ) స్పందించారు. మ‌న సంస్కృతి మూలాలు.. హ‌రిత భ‌విష్య‌త్‌కు బీజాలు అని పేర్కొన్నారు. బాబ్లీ పాఠ‌శాల విద్యార్థులు ఉత్సాహంగా జ‌మ్మీ మొక్క నాటే కార్య‌క్ర‌మంలో పాల్గొన్నందుకు ఎంతో సంతోషాన్నిచ్చింద‌న్నారు. మహారాష్ట్ర వ్యాప్తంగా ప్రతి గ్రామం, దేవాలయం, మఠంతో పాటు ప్రతి ఇంటికీ పవిత్రమైన జమ్మి చెట్టును చేర్చడమే త‌మ ల‌క్ష్య‌మ‌ని స్ప‌ష్టం చేశారు. ఈ కార్య‌క్ర‌మం ద్వారా మన సాంస్కృతిక వారసత్వాన్ని కాపాడుకుంటూనే, ప్రకృతి పట్ల మన నిబద్ధతను మరింత బలోపేతం చేస్తున్నామ‌ని తెలిపారు. ఈ రోజు నాటిన ప్రతి జ‌మ్మి మొక్క, రాబోయే తరాలకు మనం ఇచ్చే ఒక హరిత వాగ్దానం అని సంతోష్ కుమార్ పేర్కొన్నారు.