Rain Alert | రేపు, ఎల్లుండి తెలంగాణ‌కు వ‌ర్ష సూచ‌న‌..!

Rain Alert | త్రినేత్ర‌.న్యూస్ : రాష్ట్ర వ్యాప్తంగా మోస్త‌రు వ‌ర్షాలు కురుస్తున్నాయి. రాబోయే రెండు రోజుల పాటు కూడా తేలిక‌పాటి నుంచి మోస్తరు వ‌ర్షాలు కురిసే అవ‌కాశం ఉంద‌ని హైద‌రాబాద్ వాతావ‌ర‌ణ కేంద్రం తెలిపింది. శుక్ర‌వారం ఆదిలాబాద్, ఆసిఫాబాద్, మంచిర్యాల‌, నిర్మ‌ల్, నిజామాబాద్, పెద్ద‌ప‌ల్లి, భూపాల‌ప‌ల్లి, ములుగు, కొత్త‌గూడెం, ఖ‌మ్మం, న‌ల్ల‌గొండ‌, సూర్యాపేట‌, రంగారెడ్డి, హైద‌రాబాద్, మ‌ల్కాజ్‌గిరి, వికారాబాద్, సంగారెడ్డి, మెద‌క్, కామారెడ్డి జిల్లాల్లో మోస్త‌రు వ‌ర్షాలు కురిసే అవ‌కాశం ఉంది. ఈ రెండు రోజులు 30 నుంచి 40 కి.మీ. వేగంతో బ‌ల‌మైన ఈదురుగాలులు వీచే అవ‌కాశం ఉంద‌ని పేర్కొంది.

హైద‌రాబాద్‌లో లోటు వ‌ర్ష‌పాతం

హైద‌రాబాద్ క్యూర్ ప‌రిధిలో జూన్ 1 నుంచి జూలై 23 వ‌ర‌కు లోటు వ‌ర్ష‌పాతం న‌మోదైన‌ట్లు టీజీడీపీఎస్ వెల్ల‌డించింది. ఈ కాలంలో సాధార‌ణ వ‌ర్ష‌పాతం 233.4 మి.మీ. కాగా, 153.6 మి.మీ. వ‌ర్ష‌పాతం న‌మోదైంది. అంటే 34.2 శాతం లోటు వ‌ర్ష‌పాతం న‌మోదైంది.