Rain Alert | ఎల్లుండి నుంచి తెలంగాణ‌లో వ‌ర్షాలు..!

Rain Alert | త్రినేత్ర‌.న్యూస్ : ప్ర‌స్తుతం రాష్ట్రంలో అక్క‌డ‌క్క‌డ‌ తేలిక‌పాటి నుంచి మోస్త‌రు వ‌ర్షాలు( Moderate Rains ) కురుస్తున్న సంగ‌తి తెలిసిందే. జూలై 26 నుంచి తెలంగాణ‌( Telangana )లోని అన్ని జిల్లాల్లో మోస్త‌రు వ‌ర్షాలు కురిసే అవ‌కాశం ఉంద‌ని తెలంగాణ వెద‌ర్ మ్యాన్ బాలాజీ వెల్ల‌డించారు. ఉత్త‌ర తెలంగాణ‌లోని ప‌లు జిల్లాల్లో మాత్రం భారీ వ‌ర్షాలు కురిసే అవ‌కాశం ఉంద‌ని హెచ్చ‌రించారు.

ఇక శుక్ర‌వారం మ‌ధ్యాహ్నం నుంచి రాత్రి వ‌ర‌కు ఆదిలాబాద్, ఆసిఫాబాద్, నిర్మ‌ల్, నిజామాబాద్, కామారెడ్డి, సంగారెడ్డి, మెద‌క్, సిద్దిపేట జిల్లాల్లో తేలిక‌పాటి నుంచి మోస్త‌రు వ‌ర్షాలు కురిసే అవ‌కాశం ఉంద‌ని తెలిపారు. హైద‌రాబాద్ న‌గ‌రంలో సాయంత్రం నాటికి అక్క‌డ‌క్క‌డ మోస్త‌రు వ‌ర్షం ప‌డొచ్చు. లేదా పొడి వాతావ‌ర‌ణం కొన‌సాగే అవ‌కాశం ఉంద‌ని పేర్కొన్నారు.