Rain Alert | రాబోయే 4 రోజులు భారీ వ‌ర్షాలు..! 100 మి.మీ.పైనే వ‌ర్ష‌పాతం న‌మోదు..!!

Rain Alert | త్రినేత్ర‌.న్యూస్ : వాయ‌వ్య బంగాళాఖాతంలో ఏర్ప‌డిన అల్ప‌పీడ‌నం వాయుగుండంగా మారింది. దీంతో తెలంగాణ వైపు నైరుతి రుతుప‌వ‌నాలు చురుగ్గా క‌దులుతున్నాయి. ఈ క్ర‌మంలో రాబోయే నాలుగు రోజుల్లో(జూలై 27 నుంచి 30) రాష్ట్ర వ్యాప్తంగా భారీ వ‌ర్షాలు కురిసే అవ‌కాశం ఉంద‌ని తెలంగాణ‌ వెద‌ర్‌మ్యాన్ బాలాజీ వెల్ల‌డించారు. హైద‌రాబాద్ న‌గ‌ర‌మంతా మేఘావృత‌మై.. తేలిక‌పాటి నుంచి మోస్త‌రు వ‌ర్షాలు కురిసే అవ‌కాశం ఉంద‌ని హెచ్చ‌రించారు.

ముఖ్యంగా ఉత్త‌ర‌, ప‌శ్చిమ‌, తూర్పు తెలంగాణ జిల్లాల‌కు రెడ్ అల‌ర్ట్ ప్ర‌క‌టించారు. ఈ జిల్లాల్లో 100 నుంచి 120 మి.మీ.కు పైగానే వ‌ర్ష‌పాతం న‌మోద‌య్యే అవ‌కాశం ఉంద‌న్నారు. ఎల్‌నినో ప్ర‌భావం కార‌ణంగా.. ఇప్ప‌టి వ‌ర‌కు రాష్ట్రంలో భారీ వ‌ర్షాలు కురియ‌లేదు. అయితే రాబోయే నాలుగు రోజుల్లో కురిసే వ‌ర్షాలే అత్య‌ధిక వ‌ర్ష‌పాతాన్ని న‌మోదు చేసే అవ‌కాశం ఉంద‌న్నారు.

ఇక ఉమ్మ‌డి మ‌హ‌బూబ్‌న‌గ‌ర్, ఉమ్మ‌డి న‌ల్ల‌గొండ, సిద్దిపేట‌, సిరిసిల్ల‌, క‌రీంన‌గ‌ర్, ఖ‌మ్మంతో పాటు హైద‌రాబాద్‌లో తేలిక‌పాటి నుంచి మోస్త‌రు వ‌ర్షాలు కురిసే అవ‌కాశం ఉంద‌ని తెలంగాణ వెద‌ర్ మ్యాన్ వెల్ల‌డించారు. ఈ వ‌ర్షాలు కొంత‌లో కొంత వ్య‌వ‌సాయ ప‌నులకు తోడుగా నిల‌వ‌నున్నాయి.

DEPRESSION IMPACT ON TELANGANA
HEAVY RAIN ALERT - JULY 27-30, 2026 ⚠️🌧️

Due to SECONDARY CONVERGENCE associated with DEPRESSION in Central India, HEAVY RAINS ahead in various parts of North, West, East TG districts (RED MARKED areas) where cumulative rainfall next 4days can… pic.twitter.com/PRPtFZlTbZ

— Telangana Weatherman (@balaji25_t) July 27, 2026