Police Constables | నిరుద్యోగుల‌కు గుడ్‌న్యూస్.. పోలీసు కానిస్టేబుళ్ల‌కు వ‌యోప‌రిమితి పెంపు

Police Constables | త్రినేత్ర‌.న్యూస్ : రాష్ట్రంలోని నిరుద్యోగ అభ్య‌ర్థుల‌కు ఇది శుభ‌వార్త‌. అది కూడా పోలీసు కానిస్టేబుల్ ఉద్యోగాల‌కు ప్రిపేర‌వుతున్న వారికి సువ‌ర్ణావ‌కాశం. మొత్తానికి కానిస్టేబుల్ అభ్య‌ర్థుల పోరాటం ఫ‌లించింది. ఎట్ట‌కేల‌కు పోలీసు కానిస్టేబుల్ నియామ‌కాల్లో వ‌యోప‌రిమితి పెంచుతూ ప్ర‌భుత్వం జీవో విడుద‌ల చేసింది.

నోటిఫికేష‌న్ ప్ర‌కారం.. ఎస్ఐ ఉద్యోగాల‌కు వ‌యోప‌రిమితి 32 ఏళ్లు, కానిస్టేబుల్ ఉద్యోగాల‌కు 29గా వ‌య‌సు నిర్ధారించారు. ఈ క్ర‌మంలో రెండు పోస్టుల మ‌ధ్య వ‌య‌సు తేడాపై నిరుద్యోగ అభ్య‌ర్థుల నుంచి అభ్యంత‌రాలు వ‌చ్చాయి. వ‌య‌సు స‌మానం చేయాలంటూ నిర‌స‌న‌లు కూడా చేప‌ట్టారు. ప్ర‌జాప్ర‌తినిధుల‌కు విన‌తిప‌త్రాలు కూడా స‌మ‌ర్పించారు. చివ‌ర‌కు ప్రభుత్వం ఎస్సై అభ్యర్థులతో సమానంగా కానిస్టేబుల్‌ అభ్యర్థుల వయోపరిమితిని పెంచింది. పోలీసు, ఫైర్‌, జైళ్ల శాఖ, ఎస్‌పీఎఫ్‌ విభాగాల్లోని కానిస్టేబుళ్లకు ఈ నిర్ణయం అమలు కానుంది. కానిస్టేబుల్‌ (డ్రైవర్‌ పోస్టులకు) మాత్రం ప్రభుత్వం సడలింపు ఇవ్వలేదు.