Sabitha Indra Reddy | అసెంబ్లీ వద్ద సబితా ఇంద్రారెడ్డి జుట్టు పట్టుకొని అమానుషంగా ప్రవర్తించిన పోలీసులు.. VIDEO

Sabitha Indra Reddy | త్రినేత్ర‌.న్యూస్ : అసెంబ్లీ స‌మావేశాల వేళ రాష్ట్రంలో ర‌చ్చ మొద‌లైంది. ప్ర‌తిప‌క్ష స‌భ్యుల‌ను పోలీసులు గేటు వ‌ద్దే అరెస్టు చేయ‌డం రాజ‌కీయ దుమారం రేపుతోంది. ముఖ్యంగా మ‌హిళా ఎమ్మెల్యేల‌పై పోలీసుల తీరు చ‌ర్చ‌కు దారితీస్తోంది. కాంగ్రెస్ వెయ్యి రోజుల పాల‌న‌కు వ్య‌తిరేకంగా న‌ల్ల టీష‌ర్టులు ధ‌రించి అసెంబ్లీలోకి వెళ్తున్న బీఆర్ఎస్ (BRS) ఎమ్మెల్యేలు, ఎమ్మెల్సీల‌ను పోలీసులు గేటు వ‌ద్దే అడ్డుకుని అరెస్టు చేయ‌డం ఉద్రిక్త‌త‌కు దారి తీసింది. ఈ క్ర‌మంలో మాజీ మంత్రి, ఎమ్మెల్యే సబితా ఇంద్రారెడ్డి (Sabitha Indra Reddy) ప‌ట్ల పోలీసులు అమానుషంగా ప్ర‌వ‌ర్తించారు. ఆమె జుట్టుపట్టుకొని ప‌క్క‌కు నెట్టేశారు. దీంతో స‌బితా ఇంద్రారెడ్డి తీవ్ర అసౌక‌ర్యానికి గుర‌య్యారు. ఇందుకు సంబంధించిన దృశ్యాలు ప్ర‌స్తుతం వైర‌ల్‌గా మారాయి.

అంత‌కు ముందు ఎమ్మెల్యే సునీతా లక్ష్మారెడ్డి ప‌ట్ల పోలీసులు అమ‌ర్య‌దాగా ప్ర‌వ‌ర్తించారు. ఆమె చీర ప‌ట్టుకుని లాగారు. దీంతో ఎమ్మెల్యే అని కూడా చూడకుండా దుర్మార్గంగా ప్రవర్తిస్తారా అంటూ సునీతా లక్ష్మారెడ్డి (Sunitha Lakshma Reddy) ఆవేదన వ్య‌క్తంచేస్తూ కన్నీటిప‌ర్యంత‌మ‌య్యారు. మ‌రోవైపు అసెంబ్లీ వద్ద పోలీసుల తోపులాటలో మాజీ మంత్రి, సూర్యాపేట ఎమ్మెల్యే జగదీష్ రెడ్డి కింద పడిపోయారు. ఎమ్మెల్సీ యాదవ రెడ్డి కాలికి గాయమైంది. కేటీఆర్ (KTR) చేతికి గాయ‌మైన‌ట్లు తెలుస్తోంది. పోలీసుల తీరుపై బీఆర్ఎస్ ఎమ్మెల్యేలు, ఎమ్మెల్సీలు, నేత‌లు తీవ్ర ఆగ్ర‌హం వ్య‌క్తం చేస్తున్నారు.

- Former and First female Home Minister in Telugu states

- Served as a Minister three times under different governments

- A six time MLA!

This is how police treated her today when she was at the assembly for wearing a BLACK saree.

She created legacy on her own, worked hard… pic.twitter.com/yPMFeIThYq

— Revathi (@revathitweets) September 7, 2026

Also Read..

ప్ర‌తిప‌క్షాల అరెస్టు అప్ర‌జాస్వామికం.. రాహుల్ ఎన్నోసార్లు న‌ల్ల‌టీష‌ర్టుతో పార్ల‌మెంట్‌కు వెళ్లారు : త‌ల‌సాని

అసెంబ్లీ వద్ద బీఆర్ఎస్ ఎమ్మెల్యేలు, ఎమ్మెల్సీలు అరెస్ట్.. రాష్ట్ర‌వ్యాప్త నిర‌స‌న‌ల‌కు పిలుపు

అసెంబ్లీ గేటు వ‌ద్ద ఉద్రిక్తత‌.. బీఆర్ఎస్ ఎమ్మెల్యే సునీతా లక్ష్మారెడ్డి చీర లాగి అవమానించిన పోలీసులు