NPRD | ఆర్టీసీ బ‌స్సుల్లో ఉచిత ప్ర‌యాణం క‌ల్పించండి

బ‌స్ భ‌వ‌న్ వ‌ద్ద దివ్యాంగుల ధ‌ర్నా

NPRD | త్రినేత్ర న్యూస్ : త‌మ‌కు ఆర్టీసీ బ‌స్సుల్లో( RTC Buses ) ఉచిత ప్ర‌యాణం క‌ల్పించాలంటూ దివ్యాంగులు బస్ భ‌వ‌న్( Bus Bhavan ) వ‌ద్ద గురువారం ధ‌ర్నా చేప‌ట్టారు. అసెంబ్లీ ఎన్నిక‌ల సంద‌ర్భంగా ఇచ్చిన హామీని నెర‌వేర్చాలంటూ దివ్యాంగులు నిన‌దించారు. కాంగ్రెస్ ప్ర‌భుత్వం అధికారంలోకి వ‌చ్చి మూడేండ్లు కావొస్తున్న‌ప్ప‌టికీ.. ఇచ్చిన హామీల‌ను అమ‌లు చేయ‌క‌పోవ‌డం దారుణ‌మ‌ని మండిప‌డ్డారు. ఆర్టీసీ బ‌స్సుల్లో ఉచిత ప్ర‌యాణం క‌ల్పించ‌క‌పోతే పెద్ద ఎత్తున ఉద్య‌మిస్తామ‌ని హెచ్చ‌రించారు. న్యాయ‌బ‌ద్ద‌మైన హ‌క్కుల కోసం నిరసన తెలుపుతున్న దివ్యాంగుల‌ను పోలీసులు అడ్డుకున్నారు.