Ponnam Ashok Goud | నామినేషన్ తిరస్కర‌ణ‌ను నేరంగా పరిగణించాలి: పొన్నం అశోక్ గౌడ్‌

Ponnam Ashok Goud | త్రినేత్ర‌.న్యూస్‌: మీనాక్షి నటరాజన్ నామినేషన్‌ను బీజేపీ కుట్ర పూరితంగానే తిరస్కరించేలా చేసిందని టీపీసీసీ లీగ‌ల్ సెల్ చైర్మ‌న్ ఆరోపించారు. అభ్యర్థిని క్లారిఫై అడగకుండా నామినేషన్ తిరస్కరించడాన్ని నేరంగా ప‌రిగణించాలని డిమాండ్ చేశారు. ఈమేర‌కు గురువారం ఆయ‌న స్పందించారు. ఎఫ్ఐఆర్ నమోదు కాని కేసు పేరు చెప్పి నామినేషన్ తిరస్కరించడం అన్యాయమ‌న్నారు.

కేసు వివరాలు అభ్యర్థి కి తెలియనప్పుడు నామినేషన్‌లో ఎలా చూపిస్తారు? సాంకేతిక అంశాలు చూపిస్తూ నామినేషన్ రిజెక్ట్ చేయడం పెద్ద కుట్ర. జార్ఖండ్‌లో బీజేపీ అభ్యర్థి కోసం ఒక రోజు సమయం ఇచ్చి క్లారిఫైకి అవకాశం ఇచ్చారు. మరి కాంగ్రెస్ అభ్యర్థికి ఎందుకు అవకాశం ఇవ్వరు? సుప్రీంకోర్టు తీర్పు మీనన్‌కి అనుకూలంగా రావడం ఖాయం అని పొన్నం అశోక్‌గౌడ్ ఆశాభావం వ్యక్తం చేశారు.