Arvind Dharmapuri | సీఎం తమ్ముడు చెప్పిండని.. నాపైన ఏసీపీతో నిఘా పెట్టించిండ్రు

• తెలంగాణ డీజీపీ సీవీ ఆనంద్‌ను ట్యాగ్ చేస్తూ నిజామాబాద్ బీజేపీ ఎంపీ ధర్మపురి అరవింద్ సంచలన ట్వీట్
• సీఎం రేవంత్ రెడ్డి సోదరుడి ఆదేశాలతో తనపై ఓ ఏసీపీ ర్యాంక్ అధికారి నిఘా (Spying) పెట్టారని ఆరోపణ
• పోలీసులు రాజ్యాంగానికి లోబడి పనిచేస్తున్నారా? లేక సీఎం కుటుంబ సభ్యుల ఆదేశాలతోనా? అని ప్రశ్న
• పోలీస్ వ్యవస్థ చట్టానికి జవాబుదారీగా ఉండాలని హితవు

Arvind Dharmapuri | త్రినేత్ర.న్యూస్ : తెలంగాణ రాజకీయాల్లో (Telangana politics) మరోసారి ఇంటెలిజెన్స్, పోలీసుల నిఘా వ్యవహారం హాట్ టాపిక్‌గా మారింది. తన కదలికలపై రాష్ట్ర ప్రభుత్వం నిఘా (Monitoring) పెట్టిందంటూ నిజామాబాద్ బీజేపీ ఎంపీ ధర్మపురి అరవింద్ తీవ్ర ఆరోపణలు చేశారు. ఈ వ్యవహారంపై నేరుగా రాష్ట్ర డీజీపీ (DGP) సీవీ ఆనంద్‌కు 'ఎక్స్' వేదికగా ఆయన ఫిర్యాదు చేయడం సంచలనం రేపుతోంది.

డీజీపీకి అరవింద్ చేసిన ట్వీట్‌లో ఏముందంటే?

"డీజీపీ శ్రీ సీవీ ఆనంద్ గారూ, మీరు చాలా సమర్థులైన ఆఫీసర్ అని నాకు దశాబ్దాలుగా తెలుసు. కానీ, ప్రస్తుతం జరుగుతున్న ఒక పరిణామం నన్ను విస్మయానికి గురిచేస్తోంది. ముఖ్యమంత్రి రేవంత్ రెడ్డి (CM Revanth Reddy) సోదరుడి ఆదేశాల మేరకు.. తెలంగాణ పోలీస్ శాఖకు చెందిన ఒక ఏసీపీ ర్యాంక్ (ACP rank) అధికారి నా కదలికలపై నిరంతరం నిఘా పెడుతున్నారని నాకు సమాచారం అందింది" అని ఎంపీ అరవింద్ తన ట్వీట్‌లో పేర్కొన్నారు.

రాజ్యాంగానికి లోబడా? కుటుంబానికి లోబడా?

తనపై పోలీస్ నిఘా వ్యవహారాన్ని అరవింద్ తీవ్రంగా తప్పుబట్టారు. "అసలు తెలంగాణ పోలీసులు.. రాజ్యాంగానికి (Constitution), చట్టానికి లోబడి పనిచేస్తున్నారా? లేక ముఖ్యమంత్రి కుటుంబ సభ్యుల ఆదేశాల మేరకు పనిచేస్తున్నారా? అనే ప్రాథమిక, తీవ్రమైన ప్రశ్న ఇక్కడ తలెత్తుతోంది. నాకు తెలిసినంత వరకు పోలీస్ శాఖ అనేది చట్టానికి జవాబుదారీగా (Accountable) ఉండాలి తప్ప, ఏ రాజకీయ కుటుంబానికో కాదు" అని ఆయన ఘాటుగా విమర్శించారు.

ప్రస్తుతం ఈ ట్వీట్ సోషల్ మీడియాలో (Social media) వైరల్‌గా మారింది. ప్రతిపక్ష నేతలపై అధికార పార్టీ నిఘా పెట్టడంపై నెటిజన్లు రకరకాలుగా స్పందిస్తున్నారు. మరి అధికార పార్టీ నేతల ఆదేశాలతో ఏసీపీ ర్యాంక్ అధికారి నిఘా పెడుతున్నారంటూ ఎంపీ అరవింద్ చేసిన ఈ తీవ్రమైన ఆరోపణలపై డీజీపీ సీవీ ఆనంద్, లేదా రాష్ట్ర ప్రభుత్వం ఎలా స్పందిస్తుందో వేచి చూడాలి.

DGP Shri @CVAnandIPS Garu,

I have known you for decades and have always regarded you as a competent officer.

Recently, I have been informed that an ACP-rank officer of the Telangana Police has been tasked with monitoring me and my movements at the behest of Chief Minister… pic.twitter.com/2mPZBxsXY4

— Arvind Dharmapuri (@Arvindharmapuri) August 24, 2026