Intermediate | అకౌంట్స్‌, కామ‌ర్స్ కాంబినేష‌న్‌తో.. ఇంట‌ర్‌లో కొత్త కోర్సు

Intermediate | త్రినేత్ర‌.న్యూస్‌: ఇంట‌ర్ (Intermediate).. విద్యార్థుల భష్య‌త్తుకు అనుసంధాన‌క‌ర్త‌. ఇక్క‌డ ఎంపిక చేసుకునే కోర్సును బ‌ట్టే ఉన్న‌త అవ‌కాశాల‌ను అందిపుచ్చుకోవ‌చ్చు. సాధార‌ణంగా ఇంట‌ర్ అన‌గానే మ‌న‌కు ఎంపీసీ, బైపీసీ ట‌క్కున గుర్తొస్తాయి. వీటికితోడు ఎంఈసీ, సీఈసీ, హెచ్ఈసీ కూడా అందుబాటులో ఉన్నాయి. వీటికి పోటీగా మ‌రో కోర్సు (New Course) రాబోతున్న‌ది. మ్యాథ్స్‌, సైన్స్‌తో సంబంధం లేకుండా విద్యార్థుల‌కు ఉద్యోగ‌, ఉపాధి అవ‌కాశా క‌ల్పించే ల‌క్ష్యంతో అకౌంట్స్‌, ఎక‌నామిక్స్‌, కామ‌ర్స్ స‌బ్జెక్టుల‌తో క‌లిపి ఏసీఈ (ACE) అనే కొత్త కోర్సును వచ్చే విద్యాసంవత్సరం (2026-27) నుంచి ఇంట‌ర్ బోర్డు ప్రారంభించ‌నుంది. ప్రభుత్వ జూనియర్ కాలేజీలు, గురుకులాలు, ఆద‌ర్శ పాఠ‌శాల‌లో ఇది అందుబాటులోకి రానుంది.

ఈ కోర్సు చదివే విద్యార్థులకు భవిష్యత్తులో ఉపాధి అవకాశాలు ఉంటాయని, డిగ్రీలో కామర్స్‌ గ్రూపులో చేరవచ్చని అధికారులు చెబుతున్నారు. అలాగే డిగ్రీలో బీకాం, బీబీఏ, బీఏలలో చేరవచ్చు. అనంతరం ఎంబీఏ, ఎంసీఏలతో పీజీ చేయ‌వ‌చ్చు. లేదా సీఏ కోర్సు చేయ‌డానికి అవ‌కాశం ఉంటుంది. బ్యాంకింగ్‌, బిజినెస్ మేనేజ్‌మెంట్‌, మార్కెటింగ్‌, అడ్మినిస్ట్రేటివ్‌, ఫైనాన్స్ వంటి రంగాల్లో ఉపాధి అవకాశాలు ఉంటాయని వెల్ల‌డించారు. కాగా, ప్రస్తుతం అందుబాటులో ఉన్న ఎంఈసీ గ్రూప్​ కనుమరుగు కానుంది. ఎంఈసీ మొదటి సంవత్సరం పూర్తి చేసిన విద్యార్థులు రెండో ఏడాది యథావిధిగా చదువుకోవచ్చని అధికారులు తెలిపారు.