Neem Tree | న‌ల్ల‌మ‌ల‌లో వేప చెట్ల‌కు వింత తెగులు..

Neem Tree | త్రినేత్ర‌.న్యూస్ : క‌రోనా త‌ర్వాత చాలా వ‌ర‌కు వేప చెట్లు( Neem Tree ) ఎండిపోయిన సంగ‌తి తెలిసిందే. మ‌ళ్లీ కొన్నాళ్ల‌కు వేప చెట్లు చిగురించాయి. ఈ ప‌రిస్థితి రాష్ట్ర‌మంత‌టా క‌నిపించింది. తాజాగా నాగ‌ర్‌కర్నూల్ జిల్లా ప‌రిధిలోని న‌ల్ల‌మ‌ల అడవుల్లో వేప చెట్ల‌కు వింత తెగులు త‌గిలింది. 90 శాతం వేప చెట్లు ఓ వైపు ఎండుతూ.. మ‌రోవైపు ఆకుప‌చ్చ‌గా ఉండ‌డం ఆందోళ‌న క‌లిగిస్తుంది. చాలా వేప చెట్లు కేవ‌లం తూర్పు వైపున కొమ్మ‌లే ఎండుతుండ‌డం స్థానికుల‌ను ఆశ్చ‌ర్యానికి గురి చేస్తోంది.

ఎండిపోయిన వైపు ఆకుల‌న్నీ గోధుమ వ‌ర్ణంలోకి మారుతున్నాయి. ఈ చెట్ల‌కు నీటి కొర‌త కూడా లేదు. ఒక వేళ నీటి కొర‌త ఉంటే.. చెట్టంతా ఎండిపోవాలి. అలా కాకుండా కేవ‌లం చెట్టు తూర్పు వైపు మాత్ర‌మే కొమ్మ‌లు ఎందుకు ఎండిపోతున్నాయ‌నేది అంతు చిక్క‌ని ప్ర‌శ్న‌గా మిగిలిపోయింది. ఇలా చెట్లు ఎందుకు ఎండిపోతున్నాయో శాస్త్రీయ ప‌రిశోధ‌న నిర్వ‌హించి, స్థానికుల సందేహాల‌ను నివృత్తి చేయాల‌ని కోరుతున్నారు.