Shankar Goud | నర్సంపేట ఆర్టీసీ డ్రైవర్ శంకర్ గౌడ్ మృతి

Shankar Goud | త్రినేత్ర‌.న్యూస్‌: ఆర్టీసీ స‌మ్మెలో (RTC Strike) విషాదం చోటుచేసుకున్న‌ది. వ‌రంగ‌ల్ జిల్లా న‌ర్సంపేట‌లో (Narsampet Depot) ఆత్మ‌హత్యాయ‌త్నానికి పాల్ప‌డిన ఆర్టీసీ డ్రైవ‌ర్ కోల శంక‌ర్ గౌడ్ (Shankar Goud) మృతిచెందారు. 80 శాతానికిపైగా కాలిన గాయాలతో హైద‌రాబాద్‌లోని అపోలో డీఆర్‌డీవో ద‌వాఖాన‌లో చికిత్స పొందుతూ శుక్ర‌వారం తెల్ల‌వారుజామున 3 గంట‌ల‌కు చ‌నిపోయార‌ని కుటుంబ స‌భ్యులు తెలిపారు.

త‌మ స‌మ‌స్య‌ల ప‌రిష్కారం కోసం ఆర్టీసీ కార్మికులు గ‌త మూడు రోజులుగా స‌మ్మె చేస్తున్నారు. ఇందులో భాగంగా గురువారం రాష్ట్ర వ్యాప్తంగా నిర‌స‌న కార్య‌క్ర‌మాలు నిర్వ‌హించారు. ఈ క్ర‌మంలో న‌ర్సంపేట బ‌స్టాండ్‌లో డ్రైవ‌ర్ శంక‌ర్ గౌడ్ ఒంటిపై పెట్రోల్ పోసుకుని నిప్పంటించుకున్నారు. దీంతో పోలీసులు, స‌హ‌చర సిబ్బంది ఆయ‌న్ను వ‌రంగ‌ల్ ఎంజీఎం ద‌వాఖాన‌కు త‌ర‌లించారు. అక్క‌డి నుంచి మెరుగైన చికిత్స కోసం హైద‌రాబాద్‌లోని కంచ‌న్‌బాగ్ డీఆర్‌డీవో అపోలో ద‌వాఖాన‌కు తీసుకెళ్లారు. అయితే ప‌రిస్థితి విష‌మించ‌డంతో ఆయ‌న మృతిచెందారు.