Nenavath Aravind Babu | కేసీఆర్‌కు తన రీసెర్చ్ అంకితమిచ్చిన నల్గొండ యువకుడు.. హరీశ్ రావు ప్రశంసలు

• స్మార్ట్‌ఫోన్ హియరింగ్ ఎయిడ్స్‌పై నల్గొండ యువకుడి రీసెర్చ్
• కేసీఆర్‌కు అంకితమివ్వడంపై హరీశ్ రావు ట్వీట్

Nenavath Aravind Babu | త్రినేత్ర న్యూస్ : సాధారణ గిరిజన తండా నుంచి జాతీయ స్థాయి విద్యాసంస్థకు ఎదిగిన ఒక నల్గొండ యువకుడు.. పెద్దల వినికిడి సమస్యలకు పరిష్కారం చూపే దిశగా చేసిన పరిశోధన ఇప్పుడు సర్వత్రా చర్చనీయాంశమైంది. నల్గొండ జిల్లాకు చెందిన నేనావత్ అరవింద్ బాబు తన ఎంఎస్సీ (M.Sc.) ఆడియోలజీ రీసెర్చ్ థీసిస్‌ను మాజీ ముఖ్యమంత్రి కేసీఆర్‌కు అంకితం ఇచ్చారు. ఈ విషయాన్ని ప్రస్తావిస్తూ మాజీ మంత్రి తన్నీరు హరీశ్ రావు సోషల్ మీడియా వేదికగా ఆ యువకుడిని మనస్ఫూర్తిగా అభినందించారు.

వృద్ధుల కోసమే ఈ పరిశోధన

నల్గొండ జిల్లా గుడి తండాకు చెందిన నేనావత్ అరవింద్ బాబు.. ప్రఖ్యాత ‘అలీ యావర్ జంగ్ నేషనల్ ఇన్‌స్టిట్యూట్’లో ఎంఎస్సీ ఆడియోలజీ అభ్యసించారు. వయసు పైబడిన వారు ఎదుర్కొనే వినికిడి లోపాలను స్మార్ట్‌ఫోన్ ఆధారిత హియరింగ్ ఏడ్స్ (Smartphone Controlled Hearing Aids) ద్వారా ఏ విధంగా మెరుగుపరచవచ్చనే అంశంపై ఆయన విస్తృత పరిశోధన చేశారు. టెక్నాలజీ సాయంతో పెద్దలు మరింత మెరుగ్గా జీవించేలా చేయడమే లక్ష్యంగా ఈ రీసెర్చ్ సాగింది.

హరీశ్ రావు ప్రశంసలు

అరవింద్ బాబు తన ప్రతిష్టాత్మక పరిశోధనను బీఆర్‌ఎస్ అధినేత కేసీఆర్‌కు అంకితం ఇవ్వడం ఎంతో సంతోషాన్ని కలిగించిందని హరీశ్ రావు తన ‘ఎక్స్’ ఖాతాలో పేర్కొన్నారు. అరవింద్‌కు ఉజ్వల భవిష్యత్తు ఉండాలని ఆకాంక్షిస్తూ, ఆయన కృషిని అభినందించారు. ఒక గ్రామీణ నేపథ్యం ఉన్న యువకుడు అత్యాధునిక హెల్త్‌కేర్ టెక్నాలజీపై పరిశోధనలు చేసి గుర్తింపు పొందడంపై నెటిజన్లు కూడా హర్షం వ్యక్తం చేస్తున్నారు.

Heartening to see Nenavath Aravind Babu dedicate his https://t.co/iqce0NhsbM. Audiology research to @KCRBRSPresident Garu.

A young man from Gudi Thanda in Nalgonda, studying at the Ali Yavar Jung National Institute, has chosen to research how smartphone controlled hearing aids can help older adults hear better and live better.

Congratulations, Aravind. Wishing you a bright future.

— Harish Rao Thanneeru (@BRSHarish) November 6, 2026