Kamareddy | కూతూరును కాపాండేందుకు చెరువులోకి దిగిన తండ్రి.. నీట మునిగి ఇద్ద‌రూ మృతి

Kamareddy | త్రినేత్ర న్యూస్‌: కామారెడ్డి (Kamareddy) జిల్లా కొట్టాల‌ప‌ల్లిలో విషాదం చోటుచేసుకుంది. స్నానం చేసేందుకు చెరువులోకి దిగిన‌ తండ్రీ కూతురు మృతిచెందారు. కొట్టాల‌ప‌ల్లికి చెందిన సంక‌రి పెద్ద న‌ర్సింహులు (60), ఆయ‌న కుమార్తె సోమిశెట్టి ర‌జిత (35) పూజ‌లు చేసేందుకు గ్రామంలోని గోరిగారి చెరువు (Gorigari Cheruvu) వ‌ద్ద‌కు వెళ్లారు. ఈ క్ర‌మంలో చెరువులో స్నానానికి దిగిన ర‌జిత అందులో ముగిపోయారు. గ‌మ‌నించిన తండ్రి న‌ర్సింహులు ఆమెను కాపాడేందుకు నీటిలోకి దిగారు.

అయితే కుమార్తెను ర‌క్షించే ప్ర‌య‌త్నంలో ఆయ‌న కూడా నీటిలో మునిగిపోయారు. దీంతో ఇద్ద‌రూ ప్రాణాలు కోల్పోయారు. స‌మాచారం అందుకున్న పోలీసులు ఘ‌ట‌నా స్థ‌లానికి చేరుకున్నారు. గ‌జఈత‌గాళ్ల స‌హాయంతో మృత‌దేహాల‌ను వెలికితీశారు. అనంత‌రం కామారెడ్డి ఏరియా ద‌వాఖాన‌కు పోస్టుమార్టం నిమిత్తం త‌ర‌లించారు. ఈ ఘ‌ట‌న‌పై కేసు న‌మోదుచేసి ద‌ర్యాప్తు చేస్తున్నారు.