Monsoon | రెండు రోజుల్లో రాష్ట్ర‌మంతా నైరుతి.. ఇక వాన‌లే వాన‌లు..!

Monsoon | త్రినేత్ర‌.న్యూస్ : తెలంగాణ‌లోని నైరుతి రుతుప‌వ‌నాలు( Monsoon ) ఈ నెల 8వ తేదీనే ప్ర‌వేశించాయి. కానీ రాష్ట్ర వ్యాప్తంగా విస్త‌రించ‌లేదు. అయితే రాబోయే రెండు రోజుల్లో రాష్ట్ర‌మంతా నైరుతి రుతుప‌వ‌నాలు విస్త‌రించే అవ‌కాశం ఉంద‌ని హైద‌రాబాద్ వాతావ‌ర‌ణ కేంద్రం వెల్ల‌డించింది. ఈ క్ర‌మంలో తెలంగాణ( Telangana ) అంత‌టా విస్తారంగా వ‌ర్షాలు కురిసే అవ‌కాశం ఉంది.

రానున్న రెండు మూడు రోజులపాటు ఉత్తర తెలంగాణలోని కొన్ని జిల్లాల్లో హీట్​వేవ్​ పరిస్థితులు కొనసాగే అవకాశం ఉంది. అదే దక్షిణ ప్రాంతంలోని కొన్ని జిల్లాల్లో భారీ వర్షాలు కురిసే అవకాశం ఉందని వాతావ‌ర‌ణ శాఖ పేర్కొంది. బంగాళాఖాతంలో ఉపరితల ఆవర్తనం, అరేబియా సముద్రం నుంచి బంగాళాఖాతం వరకు ఒక ద్రోణి కొనసాగుతున్నట్లు తెలిపింది. ఆ ప్రభావంతో బుధవారం నుంచి గురువారం ఉదయం వరకు రాష్ట్రంలోని పలుచోట్ల భారీ వర్షాలు కురిశాయి. అత్యధికంగా ఖమ్మం జిల్లా కల్లూరులో 11.1 సెం.మీ. వర్షపాతం నమోదైంది.