Sridhar Babu | ఏపీకి ఇచ్చేదాంట్లో స‌గ‌మ‌న్న ఇవ్వాలి క‌దా..? ఏలేటికి శ్రీధ‌ర్ బాబు కౌంట‌ర్

Sridhar Babu | త్రినేత్ర‌.న్యూస్ : కేంద్రం తెలంగాణ‌కు ఇచ్చే నిధుల‌పై బీజేపీ, మంత్రుల మ‌ధ్య వాడీవేడి చ‌ర్చ జ‌రిగింది. కేంద్రం ఇవ్వ‌డం కాదు.. మాకు హ‌క్కు ఉంద‌ని శాస‌స‌స‌భా వ్య‌వ‌హారాల శాఖ మంత్రి శ్రీధ‌ర్ బాబు స్ప‌ష్టం చేశారు. ఏపీకి ఇచ్చే నిధుల్లో స‌గ‌మ‌న్న మ‌న‌కు ఇవ్వాలి క‌దా..? అని బీజేపీఎల్పీ నేత ఏలేటి మహేశ్వ‌ర్ రెడ్డిని శ్రీధ‌ర్ బాబు నిల‌దీశారు.

తెలంగాణ భార‌త‌దేశంలో భాగ‌మా..? కాదా..? భాగ‌మ‌ని ఒప్పుకున్నారు క‌దా.. ఈరోజు తెలంగాణ 5 శాతం జాతీయ జీడీపీలో కంట్రిబ్యూట్ చేస్తుంది. 60 ల‌క్ష‌ల‌ కోట్లు ట్యాక్స్ రూపేణా క‌డుతున్నారు. మాకు వాప‌స్ ఎంత వ‌స్తున్నాయి. ఇచ్చింది ఎంత..? రాష్ట్రం నుంచి 8 మంది ఎంపీలు ఉన్నారు. ఇద్ద‌రు కేంద్ర మంత్రులు ఉన్నారు. మీరు ఏం సాధించారు. ఏపీ మ‌న తెలుగు రాష్ట్రం. ఏపీకి ఇచ్చేదాంట్లో స‌గ‌మ‌న్న ఇవ్వాలి క‌దా..? తెలంగాణ‌ ఏం అన్యాయం చేసింది. క‌నీసం స‌గ‌మ‌న్న ఇవ్వాలి క‌దా..? కేంద్ర ఇవ్వ‌డం కాదు.. మాకు హ‌క్కు ఉంది అని శ్రీధ‌ర్ బాబు స్ప‌ష్టం చేశారు.

బీజేపీ స‌భ్యులు బీజేపీ పార్టీ ప‌క్షాన మాట్లాడం స‌రికాదు. తెలంగాణ ప్ర‌జ‌ల సంక్షేమం, అభివృద్ధి గురించి మాట్లాడండి. కేంద్రం ఇవ్వాల్సిందే అది బాధ్య‌త‌. మేం త‌ప్ప‌కుండా ఫైట్ చేస్తాం. ఇంత వ‌ర‌కే ఇస్తామంటే స‌రిపోదు. తెలంగాణ ప్ర‌జ‌ల అభివృద్ధిని దృష్టిలో ఉంచుకుని మాట్లాడండి. ఢిల్లీలో ఉన్న‌ట్టు ఫీల‌వుతున్నారు. మ‌హారాష్ట్ర‌, రాజ‌స్థాన్‌లో ఉన్న‌ట్టు అనుకుంటున్నారు బీజేపీ స‌భ్యులు. ఇవ్వాల్సిన ధ‌ర్మం ఉంది కాబ‌ట్టి ఇస్తున్నారు. మ‌హేశ్వ‌ర్ రెడ్డి మాట‌ల‌ను తీవ్రంగా ఖండిస్తున్నామ‌ని శ్రీధ‌ర్ బాబు పేర్కొన్నారు.