Konda Surekha | ఏఐసీసీ చీఫ్ మ‌ల్లికార్జున ఖ‌ర్గేతో మంత్రి కొండా సురేఖ భేటీ..!

Konda Surekha | త్రినేత్ర‌.న్యూస్ : రాష్ట్రంలోని కాంగ్రెస్ పార్టీ రాజ‌కీయాల్లో కీల‌క ప‌రిణామాలు చోటు చేసుకుంటున్నాయి. త్వ‌ర‌లోనే మంత్రివ‌ర్గ విస్త‌ర‌ణ ఉంటుంది.. కేబినెట్ నుంచి కొండా సురేఖ‌ను తొల‌గిస్తార‌ని వార్త‌లు వినిపిస్తున్న నేప‌థ్యంలో ఆమె ఎత్తుగ‌డ వేసిన‌ట్టు తెలుస్తోంది. బెంగ‌ళూరులో ఏకంగా ఏఐసీసీ చీఫ్ మ‌ల్లికార్జున ఖ‌ర్గేతో మంత్రి కొండా సురేఖ స‌మావేశ‌మైన‌ట్లు స‌మాచారం. ఆమె కుమార్తె సుష్మిత చేసిన వ్యాఖ్య‌ల‌తో పాటు రాష్ట్రంలో కాంగ్రెస్ పార్టీలో చోటు చేసుకున్న ప‌రిణామాలు, క్ర‌మ‌శిక్ష‌ణా క‌మిటీకి ఇచ్చిన వివ‌ర‌ణ‌పై ఖ‌ర్గేతో చ‌ర్చించిన‌ట్లు తెలుస్తోంది. ఈ స‌మావేశం దాదాపు గంట‌కు పైగా సాగిన‌ట్లు వినిపిస్తోంది. ఏది ఏమైన‌ప్ప‌టికీ.. త‌న‌కు మంత్రి ప‌ద‌వి నుంచి ఉద్వాస‌న ప‌లుకుతార‌ని వార్త‌లు షికారు చేస్తున్న నేప‌థ్యంలో ఖ‌ర్గేతో కొండా సురేఖ భేటీ కాంగ్రెస్ పార్టీ వ‌ర్గాల్లో అత్యంత ప్రాధాన్య‌త సంత‌రించుకుంది.