Adluri Laxman Kumar | మందుల సామేల్ వ‌ల్లే నాకు మంత్రి ప‌ద‌వి.. మంత్రి అడ్లూరి ల‌క్ష్మ‌ణ్ కీల‌క వ్యాఖ్య‌లు

Adluri Laxman Kumar | త్రినేత్ర‌.న్యూస్ : తుంగతుర్తి కాంగ్రెస్ ఎమ్మెల్యే మందుల సామేల్ వ‌ల్లే నాకు మంత్రి ప‌ద‌వి వ‌చ్చింద‌ని మంత్రి అడ్లూరి ల‌క్ష్మ‌ణ్ కుమార్ కీల‌క వ్యాఖ్య‌లు చేశారు. నాకు మంత్రి ప‌ద‌వి రావ‌డానికి మందుల సామేలే కార‌ణ‌మ‌న్నారు. టీపీసీసీ ఎస్సీ విభాగ చైర్ పర్సన్‌గా మానకొండూరు ఎమ్మెల్యే కవ్వంపల్లి సత్యనారాయణ పదవీ స్వీకార మహోత్సవ కార్యక్రమానికి మంత్రి అడ్లూరి ల‌క్ష్మ‌ణ్ కుమార్ హాజ‌రై ఈ వ్యాఖ్య‌లు చేశారు.

మనకు ఎక్కడ మంత్రి పదవి ఇస్తార‌ని ప‌లు సంద‌ర్భాల్లో వ్యాఖ్యానించాను. మాదిగ ఎమ్మెల్యేలను ఏకతాటిపై నిలబెట్టి ఢిల్లీకి తీసుకపోయింది మందుల సామేల్. నాకు వచ్చిన ఇబ్బందిని సంపత్ కుమార్ అండగా ఉండి పరిష్కారం చేశారు. ఎస్సీ సెల్ కాంగ్రెస్‌కు గుండెకాయ లాంటిది. కాంగ్రెస్ అధికారంలోకి రావడానికి దళితులే కారణం. దేశంలో పేద వర్గాలకు అండగా ఉండేది కాంగ్రెస్ పార్టీ. రాబోయే మూడు సంవత్సరాలలో ముఖ్యమంత్రి రేవంత్ రెడ్డి ఆధ్వర్యంలో కాంగ్రెస్ మళ్ళీ అధికారంలో వస్తుంది అని మంత్రి అడ్లూరి ల‌క్ష్మ‌ణ్ కుమార్ ధీమా వ్య‌క్తం చేశారు.