MCRHRD | సివిల్ స‌ర్వీసెస్ అభ్య‌ర్థుల‌కు సువ‌ర్ణావ‌కాశం.. ఎంసీఆర్‌హెచ్ఆర్డీలో ఉచిత ఓరియంటేష‌న్ ప్రోగ్రామ్

MCRHRD | త్రినేత్ర‌.న్యూస్ : యూపీఎస్సీ సివిల్స్( UPSC Civils ), గ్రూప్-1 ( Group-1 ) ఉద్యోగాల కోసం ప్రిపేర‌వుతున్న అభ్య‌ర్థుల‌కు రాష్ట్ర ప్ర‌భుత్వం ఓ గొప్ప అవ‌కాశం క‌ల్పిస్తుంది. హైద‌రాబాద్ న‌గ‌రంలోని ఎంసీఆర్‌హెచ్ఆర్డీ( MCRHRD ) లో ప్ర‌త్యేక ఓరియంటేష‌న్ త‌ర‌గ‌తులు నిర్వ‌హిస్తుంది. ఈ క్ర‌మంలో ఆస‌క్తి గ‌ల అభ్య‌ర్థులు ఈ ఉచిత ఓరియంటేష‌న్ త‌ర‌గ‌తుల‌కు హాజ‌రు కావొచ్చు. ఈ నెల 27 నుంచి జూలై 31వ తేదీ వ‌ర‌కు ఈ ప్రోగ్రామ్ కొన‌సాగ‌నుంది. మొద‌టి బ్యాచ్ జూన్ 2వ తేదీన ప్రారంభం కాగా, మొత్తం 50 మంది సివిల్ స‌ర్వీసెస్ అభ్య‌ర్థులు విజ‌య‌వంతంగా త‌మ కోర్సును పూర్తి చేసుకున్నారు.

ఈ ఉచిత ఓరియంటేష‌న్ ప్రోగ్రామ్‌లో పరీక్షా వ్యూహం, లీడర్‌షిప్ నైపుణ్యాలపై నిపుణులతో సెషన్స్ ఉంటాయి. ప్ర‌తి రోజు 3 గంట‌ల పాటు సెష‌న్ నిర్వ‌హిస్తారు. అత్యంత అనుభ‌వం క‌లిగిన ఫ్యాక‌ల్టీ మెంబ‌ర్స్‌తో ఎగ్జామినేష‌న్ స్ట్రాట‌జీ, ప‌ర్స‌నాలిటీ డెవ‌ల‌ప్‌మెంట్, క‌మ్యూనికేష‌న్ స్కిల్స్, లీడ‌ర్‌షిప్‌, ఇంట‌ర్వ్యూ గైడెన్స్‌పై అవ‌గాహ‌న క‌ల్పించ‌నున్నారు. ఇక ఈ ఉచిత ప్రోగ్రామ్‌కు హాజ‌ర‌య్యే అభ్య‌ర్థుల‌కు ఉచిత వ‌స‌తి స‌దుపాయం కూడా క‌ల్పించ‌నున్నారు.

ఆస‌క్తి గ‌ల అభ్య‌ర్థులు త‌మ బ‌యోడేటా వివ‌రాల‌ను ctsmerhrdti24@gmail.com కు పంపాల్సి ఉంటుంది.

బ‌యోడేటా పంపేందుకు చివ‌రి తేదీ జూలై 25.