May Flower | విర‌బూసిన ‘మే’ పుష్పం.. క‌నువిందు చేస్తున్న ‘బ్ల‌డ్ లిల్లీ’

May Flower | త్రినేత్ర‌.న్యూస్ : ఈ భూమ్మీద అనేక ర‌కాల పుష్పాలు ఉన్నాయి. కానీ ఈ పుష్పం( Flower ).. పుష్పాలందు ఈ పుష్పం వేర‌యా..! ఎందుకంటే.. అన్ని పుష్పాల మాదిరి ఈ పుష్పం ఏ కాలంలో అంటే ఆ కాలంలో విక‌సించ‌దు. దీనికంటూ ఒక ప్ర‌త్యేక స‌మ‌యం ఉంది. ఆ స‌మ‌యంలోనే ఈ పుష్పం వికసిస్తుంది.. చూప‌రుల‌ను ఆక‌ర్షిస్తుంది. మ‌రి ఆ పుష్పం పేరు ఏంటంటే.. మే పుష్పం( May Flower ).

ఏడాదికి ఒకసారి మాత్ర‌మే విక‌సించే ఈ పుష్పం ఇప్పుడు మ‌హ‌బూబాబాద్ జిల్లాలో విర‌బూసింది. కేస‌ముద్రంలోని ఓ ఇంటి ఆవ‌ర‌ణ‌లో మే పుష్పం క‌నువిందు చేస్తుంది. బ్ల‌డ్ లిల్లీ అనే అరుదైన జాతికి చెందిన ఈ మొక్క‌.. ఏప్రిల్, మే నెల‌ల్లో మాత్ర‌మే విక‌సిస్తుంది. ఈ క్ర‌మంలోనే ఈ పువ్వుకు మే పుష్పంగా పేరు వ‌చ్చింది.

గుండ్రని ఫుట్‌బాల్ ఆకారంలో గులాబీ లేదా ఎరుపు రంగులో ఈ పుష్పం విక‌సించింది. పొడ‌వాటి కాండం ఉండి.. చూప‌రుల‌ను ఆక‌ట్టుకుంటుంది. ఆకులు రాకముందే నేరుగా భూమిలో నుండి కాడలు వచ్చి, వాటిపై గుత్తులుగా మే పుష్పాలు విక‌సిస్తున్నాయి.